खोज

बुटवल  मंसिर रुपन्देही लनटेनिस संघको दोस्रो साधारण सभा तथा अधिवेशनबाट गोपाल प्रसाद ज्ञवालीको अध्यक्षतामा आठ सदस्यीय नया नेतृत्व निर्वाचन भएको छ। शनिबार सम्पन्न अधिवेसनबाट संघको उपाध्यक्षमा डा मनोज ढुगाना, सचिव सबिर मिया, कोषाध्यक्ष विष्णु प्रसाद चापागाईं, सदस्यहरुमा मनोज नेपाल, डा टिकाराम घिमिरे, लक्ष्मी पौडेल अर्याल, सोम राना सर्वसम्मत चयन भएका हुन।
यसैबिच संघका अध्यक्ष सन्जय श्रेष्ठले नवनिर्वाचित अध्यक्ष ज्ञवालीलाई माईन्युट हस्तान्तरण गरेका छन।

नवनिर्वाचित अध्यक्ष ज्ञवालीले रुपन्देही खेलकुदको हब बन्दै गएको भन्दै यसलाई थप टेवा दिने गरि पुर्वाधार विकास र प्रतियोगितामा जोड दिने प्रतिवद्घता जनाए। खेलप्रेमी, तीन तहकै सरकारको सहयोगमा राष्ट्रियस्तरको खेलमैदान तयार भएको भन्दै आगामी दिनहरुमा लाग्ने उनले बताए।
कार्यक्रमको एक समारोहका बिच नेपाल ओलम्पिक कमिटिका सदस्य तथा अखिल नेपाल फुटबल संघका केन्द्रीय उपाध्यक्ष दीर्घ बहादुर केसी (कुमार) ले उद्घाटन गर्दै छोटोसमयमा लनटेनिस खेलबाट रुपन्देही देशमा नै चिनाउन सफल भएको बताए। उमेर समुहको राष्ट्रिय खेलाडी उत्पादन गर्ने गरि पुर्वाधार र प्रशिक्षणलाई निरन्तरता दिन सके खेलको भविष्य उज्वल रहेको उनले बताए। देविनगर क्षेत्रमा खेलकुद विकास गराउने लक्ष्यसहित आफुले सहयोग गरेको बताए। रुपन्देहीमा कान्छो खेलकुद संस्था भएपनि नितिगत र ब्यहारिक रुपमा अघि बढेर अन्य संस्थाहरुलाईलसमेत सिकाउन सफल भएको उनले दाबी गरे। रुपन्देहीमा एउटा सुविधासम्पन्न रंगशाला खड्किएको भन्दै यो निर्माणमा सबैको हातेमालो जरुरी रहेको उनले बताए।

कार्यक्रममा संघका अध्यक्ष सन्जय प्रकाश श्रेष्ठले आफ्नो ३ वर्षे प्रगति विवरण पेश गर्दै वर्षभरि गरिएका खेलकुद गतिविधि तथा पुर्वाधार निर्माणका बारे प्रकाश पारे।विश्वभर नै कोभिड संक्रमणको कारण प्रभावित भएको बेला पनि आफ्नो कार्यकालमा २ वटा राष्ट्रिय प्रतियोगिता गर्न सफल भएको तथा जुनियर लेभलको धेरै प्रतियोगितामा रुपन्देहीका खेलाडीहरुले पदक जित्न सफल भएको उनले बताए। हाल ४ वटा कोर्टलाई थपेर ६ वटा कोर्ट निर्माण गर्न सके अन्तर्राष्ट्रिय प्रतियोगिता गर्न सकिने सम्भावना रहेको उनले बताए।

कार्यक्रममा संघका उपाध्यक्ष मनोज कुमार बस्नेत, अर्जुन कुमार गुरुङ, अब्दुल सहमतले लनटेनिस खेल विकासमा सबैको लाग्नुपर्ने बताए। रुपन्देहीबाट नेपालको जुनियर लनटेनिसको राष्ट्रिय रेकिङमा विजेश अर्याल, निश्चल ज्ञवाली, संघर्ष फौज्दार, निर्जल टण्डन लगायतका आधा दर्जन बढि खेलाडीहरु उत्पादन भएको प्रशिक्षक विकास खड्काले बताए। कोर्टमा दुई दर्जन बढि उमेर समुहका खेलाडीहरु प्रशिक्षण लिदै आएको उनले बताए।