खोज

दाङ, २३ मङ्सिर ।

दाङको घोराही उपमहानगरपालिकाले गरिब घरधुरीलाई परिचय पत्र वितरणको तयारी गरेको छ । उपमहानगरपालिकाको सूचना तथा सञ्चार प्रविधी शाखाले गरिब घरधुरीको पहिचान गरी तयार गरिएको परिचयपत्रलाई कसरी बितरण गर्ने भन्न्ो बिषयमा घोराहीमा छलफल कार्यक्रमको आयोजना गरेको हो ।

घोराही उपमहानगरपालिकाका नगर प्रमुख नरुलाल चौधरीले वडा कार्यालयका सचिवहरुले वडामा रहेका गरिब परवारको हस्ताक्षर गराएर परिचयपत्र नगरपालिकामा बुझाए पछि वितरणको प्रकृया अगाडि बढ्ने बताए ।

सोही कार्याक्रममा उपप्रमुख हुमाकुमारी डिसीले अब गरिव भएका कारण कुनै पनि काम बाट बाट बन्चित हुन नपर्ने बताइन् । प्रमुख प्रशासकीय अधिकृत भोजराज घिमिरेले वडा अध्यक्ष र वडा सचिबहरुसँगको समन्वयमा काम अगाडि बढ्ने बताए ।

घोराहीका १९ वटै वडाका अध्यक्ष र सचिवलाई परिचयपत्र वितरण सम्बन्धी अभिमुखिकरण गरेर सम्बन्धित वडामा परिचयपत्र पठाईएको प्रमुख प्रशासकिय अधिकृत घिमिरेले बताए । घोराही उपमहानगरपालिका भित्र १ हजार ४ सय ५८ घरधुरी अति गरिब, २ हजार ७०८ घरधुरी मध्यम र १ हजार ६ सय ३५ घरधुरी सामान्य गरि ४ हजार ८ सय ११ घरधुरी गरिबीको अबस्थामा रहेको तथ्यांक रहेको छ ।

करिव डेढ बर्ष पहिले घोराहीका उपमहानगर भित्रका सबै घरधुरीमा गणक र सुपरिबेक्षकहरु पुगेर घरमूलीको फोटो सहितको सबै विबरण संकलन गरिसकेका छन् । उनीहरुले ल्याएको तथ्याङको आधारमा परिचयपत्र बनिसकेको छ । परिचयपत्र पाएका गरिबलाई आयमूलक कामको लागि सीप, शिक्षा र स्वास्थ्यको ग्यारेन्टी, खाद्य सुरक्षाको सुनिश्चितता गर्ने सरकारी योजना छ । गरिबलाई निःशुल्क स्वास्थ्य बीमा, अध्ययनको लागि छात्रवृत्ति, आयआर्जनका कार्यक्रम रहेको उपमहानगरपालिकाले जनाएको छ ।।।