खोज

बुटवल, २२ मंसिर ।

१५ औ निर्माण दिवसको अवसरमा लुम्बिनी निर्माण ब्यवसायी संघ बुटवलले सामाजिक उत्तरदायित्व अन्तर्गत औषधी सामग्री वितरण गरेको छ । संघको वार्षिक कार्ययोजना अनुसार परोपकार संस्था दान विभाग शाखालाई सहयोग गरेको संघका उपाध्यक्ष विष्णु सुब्बाले बताए ।

एक समारोहका बीच विहीबार परोपकार संस्था दान विभाग शाखाका प्रधानसेवक गौतम लाल शाक्यलाई २० हजार रुपैयाँ बराबरको औषधीजन्य सामग्रीहरु नेपाल निर्माण ब्यवसायी महासंघका केन्द्रीय सदस्य उज्ज्वल गौतम, संस्थापक अध्यक्ष तथा वरिष्ठ निर्माण ब्यवसायी भिम बहादुर श्रेष्ठ, निवर्तमान अध्यक्ष मोहनलाल जोशी, सल्लाहकार नारायण बस्याल, सचिव बुद्धिराज थापाले हस्तान्तरण गरेका छन् ।

दान बिभाग शाखाका प्रधानसेवक गौतम लाल शाक्यले परोपकारबाट वडामा बसोबास गर्ने विपन्न वर्गका मानिसहरुलाई स्वस्थ्य सेवा दिंदै आएको छ । बि.सं २०११ सालमा बुटवलमा स्थापना भएको संस्थाले विभिन्न समयमा महामारीको बेलामा समेत स्वस्थ्य शिविरका साथै मृगौला, पाठेघरबारे सचेतना र स्वस्थ्य शिविरहरु गर्दै आएको छ । उपमहानगरपालिकाबाट वार्षिक १ लाख रुपैयाँ बजेट, सहरी स्वस्थ्य केन्द्रको भाडा र केन्द्रबाट कर्मचारीको तलब ब्यवस्थापन भएको उनले बताए । परोपकारमा दैनिक २२ देखि २५ जना सम्म नियमित उपचारमा आउने गरेको उनले बताए ।

यहाँ ३ जना कर्मचारीहरु कार्यरत छन । यसैबीच समाजसेवी स्व छवि नेपालको स्मृतिमा परोपकारमा अक्षयकोष स्थापनाका लागि उनको श्रीमति सावित्री नेपालले १० हजार ५ रुपैयाँ समेत दान बिभाग शाखाका प्रधानसेवक गौतम लाल शाक्यलाई हस्तान्तरण गरेका छन् ।