खोज

बुटवल, २२ मंसिर ।

कालिका क्याम्पसको ९ औ वाषिर्कोत्सव तथा अभिभावक दिवसको अवसरमा खेलकुद सप्ताह २०७९ तथा सामाजिक उत्तरदायित्वका विविध कार्यक्रमहरु सम्पन्न भएका छन् । मंसिर १८ गते सुरु भएको प्रतियोगिता अन्तर्गत एथलेटिक्स, बुद्धिचाल, कुर्सी दौड, क्विज प्रतियोगिता, भलिबल, कबड्डी, डोरी तान्ने, नृत्य प्रतियोगिता सहित सामाजिक कार्य अन्तर्गत निःशुल्क दन्त शिविर, छाला रोग परिक्षण तथा वृहत रक्तदान कार्यक्रम सम्पन्न भएको हो ।

अतिरिक्त क्रियाकलाप अन्तर्गत कलेज परिसरमा एथलेटिक्सको १ सय मिटर दौड छात्रतर्फ सुभम दिसामगर प्रथम, दिलिप राना द्वितीय, बबिन लामटाङे तृतीय भएका छन् । यसैगरी छात्रातर्फ मिना ज्ञवाली प्रथम, ज्ञानु सारु द्वितीय, ईन्द्रा बिक र शिल्पा पाण्डे तृतीय भएका छन् । यसैगरी ४ सय मिटर दौडमा छात्रतर्फ तुल बहादुर झेडी प्रथम, सुदिप थापा द्वितीय, मन्जिल साहनी क्षेत्री तृतीय भएका छन् । छात्रातर्फ मिना ज्ञवाली प्रथम, ज्ञानु सारु द्वितीय, पवित्रा भुवल तृतीय भएका छन् ।

बुद्धिचाल प्रतियोगितामा छात्रतर्फ रवि पाण्डे प्रथम र सुरज चौधरी द्वितीय भएका छन् । छात्रातर्फ सुनिता गुरुङ प्रथम तथा अमिसा सुनार द्वितीय भएका छन् । छेलोफाल्ने खेलमा छात्रतर्फ सुभम दिसामगर प्रथम, दिपक खाम्चामगर द्वितीय र अर्जुन रावल तृतीय भए । छात्रातर्फ प्रथम सन्ध्या खड्का, द्वितीय अस्मिता क्षेत्री, तृतीय आरती खड्का भएका छन् ।
कुर्ची दौडमा रिता पोखरेल प्रथम, सृजना राना द्वितीय र सविता केसी तृतीय भएका छन् ।
टेबलटेनिस खेलमा छात्रतर्फ विश्वास पौडेल प्रथम, साईरस सापकोटा द्वितीय र सागर न्यौपाने तृतीय भएका छन् । यसैगरी छात्रातर्फ सुनिता गुरुङ प्रथम, धन माया राना द्वितीय भएका छन् ।

क्विज प्रतियोगिता, भलिबल, कपर्दी, डोरी तान्ने, नृत्य प्रतियोगिता लगायतका खेलमा २ सय २५ खेलाडीहरुले जित हासिल गरेका छन् । विजेता टिम तथा खेलाडीरुलाई शुक्रबार विशेष कार्यक्रमका बीच पुरस्कार वितरण गरिने अतिरिक्त क्रियाकलाप सहसंयोजक केशवराज न्यौपानेले बताए ।

यसैगरी सामाजिक उत्तरदायित्व अन्तर्गत स्वस्थ्य शिविर समेत गरिएको अतिरिक्त क्रियाकलाप संयोजक रेशम शर्माले बताए । मल्टीस्टार डाईग्लोष्टिक ल्याब्रोटोरिज प्रालिको प्राविधिक सहयोगमा १ सय ५० जनाको सुगर, प्रेसर, कोलस्टोर परीक्षण भएको छ । जसमा ल्याबका आस्था पौडेल (ल्याव असिस्टेन्ट), प्रकाश कंवर मगर (ल्याव टेक्निसियन) ले सहयोग गरेका थिए ।
नेपाल स्किन क्लिनिक हस्पिटल लाईनको प्राविधिक सहयोगमा १ सय १५ जनाको छाला जाच गरिएको थियो । जसमा छालारोग विशेषज्ञ डा. मनोज सापकोटाले सहयोग गरेका थिए ।

लायन्स आखा अस्पताल, बुटवलको प्राविधिक सहयोगमा १ सय ५० को आखा जँच गरिएको छ । कार्यक्रममा प्राविधिकहरु विनोद प्रसाद चौधरी र प्रियांशी गुप्ताले सहयोग गरेका थिए । सिटि हब डेन्टलको प्राविधिक सहयोगमा दन्त शिविर सम्पन्न भएको छ । शिविरमा १ सय २५ जना ले जाच गराएका थिए । जसमा डा. मुकेश सापकोटा (डेन्टल सर्जन), डा. भावना मुल्मि (डेन्टल सर्जन), बिष्णु राना (एसिस्टेन्ट), जुनु माजि ( एसिस्टेन्ट) ले सहयोग गरेका थिए ।

स्टुडेन्ट क्वालिटी सर्कल, बुटवल कालिका क्याम्पसको आयोजना तथा क्त संचार इकाई, भैरहवाको प्राविधिक सहयोगमा विद्यालय परिसरमा आयोजना गरिएको रक्तदान कार्यक्रममा ८३ युनिट रगत संकलन भएको छ । जसमा प्राविधिक हरि सापकोटा, ममता थारु, दिप कुमार चौधरीले सहयोग गरेका थिए ।