खोज

बुटवल, २२ मंसिर ।

योमरी पुन्युको अवसर पारेर रुपन्देहीमा क्रियाशिल संघसंस्थाहरुले विभिन्न कार्यक्रम गरी मनाएका छन् । नेवार समुदायका नया पुस्ताका युवाहरु आफनो संस्कृति बुझाउने उद्देश्यका भिमसेन नेवाः समाजले तिलोत्तमा नगरपालिका–३ स्थित शान्ति चोकमा मंसिर २१ र २२ गते दुई दिन नेवारी खाजा महोत्सव गरेको छ । यसैगरी ‘संस्कृतिको जगेर्ना हाम्रो दायित्व’ भन्ने नाराका साथ तिलोत्तमा नेवा मयजु खलद्वारा गोलपार्कमा यः मरी पुन्ही कार्यक्रम गरेको छ । चोकमा स्टल प्रदर्शन गरेर योमरीको बारे प्रचारप्रसार गरिएको मयजुका अध्यक्ष मिलन श्रेष्ठले बताईन् ।

रुपन्देहीकै पूरानो नेवाः पुच नेवा समाज विकास परिषदले योमरी पुन्ही विशेष कार्यक्रम सम्पन्न गरेको छ । संस्थाको भवनमा विहीबार योमरी पुन्ही शुभकामना तथा प्रदेश सभा सदस्यमा विजयी भोजप्रसाद श्रेष्ठलाई सम्मान गरेको हो । कार्यक्रममा लुम्बिनी प्रदेश सभा सदस्य तथा पुर्वमन्त्री भोजप्रसाद श्रेष्ठले नेवारी समुदायमा रहेका संस्कार, संस्कृतिहरुको संरक्षण गर्न संस्थागत लाग्नुपर्ने बताए ।

ऐतिहासिक, सांस्कृतिक महत्व बोकेको विभिन्न पर्व र रितितिथिहरुलाई सबै समुदायलाई नै उपयोगी समेत रहेको उनले दाबी गरे । लुम्बिनी प्रदेशका जनताबाट पाएको जनमतलाई सही ढंगबाट कार्यान्वयनको पाटोमा लाग्ने प्रतिपद्घता जनाए । राजनीति समाज परिवर्तनको एउटा पाटो भएको भन्दै यसलाई बदनामिबाट बचाउनु आवश्कता भएको बताए । नया पिंढिलाई समेत राजनीतिप्रतिको वितृष्णा हटाउने गरी प्रमुख राजनीतिक दलहरुको नेतृत्वको काँधमा आएको बताए । जनताको पक्षमा काम गर्न सकेमात्र अब राजनीति सही गोरेटोमा आउने उनले बताए । नेवारहरुको संस्कार, संस्कृति नया पुस्तामा सिकाउने गरी अघि बढ्न जरुरी रहेको उनले बताए । संविधानले नेपालमा रहेका सबै भाषाभाषी, धर्मसंस्कृतिलाई सम्बोधन गरेको भन्दै यसमा टेकेर क्रियाकलापहरु अघि बढाउनुपर्ने बताए ।

वडा नं ९ का वडाअध्यक्ष प्रदिप श्रेष्ठले नेवार समुदायमा योमरी पुर्णिमाको विशेष महत्व रहेको भन्दै नया अन्नबाली भित्र्याउने पर्वका रुपमा रहेको बताए । भकारीमा अंन्नबालीसंगै भगवानका रुपमा योमरी पुन्य मनाउने गरिएको उनले बताए ।

कार्यक्रममा पुचका अध्यक्ष काजीमान श्रेष्ठले नेवारीले काठमाडौ बाहिर नेवारी परम्परा, संस्कृति जगेर्ना गर्न संस्थागत रुपमा आफुहरु लागेको बताए । योमरी पुन्ही पर्वलाई भेटघाट र छलफल गर्ने गरी सामाजिक विकास गर्ने काममा सहयोगी हुने गरी लागेको उनले बताए । नेवार समुदायको मात्र नभई यो सबैको साझा पर्व भएको भन्दै किसानहरुको खुशियाली मनाउने रुपमा भएको उनले बताए । चौथो वर्षमा लगातार कार्यक्रम गरिएको उनले बताए । १२ वटा प्रतिनिधिमुलक संस्थाहरु रुपन्देहीमा रहेको उनले बताए। जनप्रतिनिधिहरुले आफनो मुद्दालाई विशेष प्राथमिकता दिन उनले आग्रह गरे । प्रदेश सरकारले नेवारका विशेष पर्वमा जाईजात्रामा सार्वजनिक विदाको ब्यवस्थापन गर्न यसअघि सरकारमा पटकपटक पहल गरेको र अब नया सरकारबाट घोषणा गर्न सुझाव दिए ।

कार्यक्रममा सल्लाहकार लवकुश श्रेष्ठ, भिमसेन नेवा समाजका अध्यक्ष लिलाप्रसाद श्रेष्ठ, चिरञ्जीवी जोशी, सचिव लक्ष्मि श्रेष्ठले कला, धर्म, संस्कृतिको संरक्षणमा सबै लाग्नुपर्ने सुझाव दिए ।