Butwal Today

डडेल्धुरामा जीप दुर्घटना : ४ जनाको मृत्यु, ६ यात्रु घाइते

बुटवल टुडे
१२ भाद्र २०८२, बिहीबार
अ
अ+
अ-

बुटवल, १२ भदौ ।

डडेल्धुराको नवदुर्गा गाउँपालिका-५ को चौडमा आज बिहान जीप दुर्घटनामा ४ जनाको मृत्यु भएको छ । दुर्घटनामा ६ यात्रु घाइते भएका छन् ।

उग्रतारा यातायातको से १ ज ७३८ नम्बरको जीप दुर्घटनामा परेर नवदुर्गा-५ का १८ वर्षीय सुरेश साउद, २३ वर्षीय सुरेश पार्की, ४० वर्षीया तारा अवस्थी र ७२ वर्षीया कलावती साउदको घटनास्थलमै मृत्यु भएको प्रहरीले जनाएको छ ।

जिल्ला प्रहरी कार्यालय डडेल्धुराका प्रहरी निरीक्षक डम्बर विष्टका अनुसार मृतकको शव परीक्षणका लागि डडेल्धुरा अस्पताल पठाइएको छ ।

दुर्घटनामा अन्य ६ जना घाइते भएका छन् । घाइते हुनेमा नवदुर्गा-५ बस्ने १८ वर्षीया सुशीला विक, चार वर्षीया बालिका प्रतिका पार्की, ४८ वर्षीय चन्द्रबहादुर साउद, जीप चालक ३५ वर्षीय रामबहादुर साउदसहित अन्य दुई जना रहेको प्रहरीले जनाएको छ ।

घाइतेमध्ये सुशीला विक र चालक रामबहादुर साउदको अवस्था गम्भीर रहेको र उनीहरुको उपचार भइरहेको प्रहरीले जनाएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

सेवा विस्तारसँगै बिरामीको चाप बढ्यो

अनुमति विवादबिच राप्तीमा सुन अन्वेषण

रास्वपाको अभिमुखीकरण : पहिलो दिननै आएनन रवि र बालेन

प्रभु बैंकका कर्पोरेट विभाग प्रमुख डङ्गोल पक्राउ

नेपाली मूलका नागरिकलाई नेपाली पहिचान दिन माग

चिनियाँ कम्युनिष्ट पार्टीद्वारा रास्वपालाई बधाई

बेमौसमी वर्षाले नवलपरासीमा गहुँबाली नष्ट

लुम्बिनी प्रदेशले आठ महिनामा विनियोजित बजेटको २७ प्रतिशत मात्र खर्च