© २०२३
१९ मंसिर २०८२, शुक्रबार
१९ मंसिर २०८२, शुक्रबार
काठमान्डौ, भदौ ८ ।
रौतहटको गौर–सिरसिया सडकखण्डमा एक सुटकेसभित्र भेटिएको शव २६ वर्षीया रुवीकुमारी साहको भएको पुष्टि भएको छ ।
मृतक रुवीको माइती घर माधवनारायण नगरपालिका–२ महादेवपट्टी हो भने उनको विवाह भारतको मुजफ्फरपुरमा भएको थियो ।
शनिबार राति स्थानीयले गौर नगरपालिका–९ स्थित दिव्यज्योति स्कुल गेट नजिक शंकास्पद ठूलो सुटकेस देखेपछि प्रहरीलाई खबर गरेका थिए । प्रहरी ले विस्फोटक पदार्थको आशंकाले रातभर घटनास्थल सुरक्षित राखी आइतबार बिहान मात्र सुटकेस खोलेको थियो । भित्र घाँटी कसेर हत्या गरिएको अवस्थामा एक युवतीको शव फेला परेको थियो ।
जिल्ला प्रहरी कार्यालय रौतहटका प्रवक्ता डीएसपी राजु कार्कीका अनुसार, मृतक रुवी हाल एक महिनादेखि माधवपट्टीमा डेरा गरी बस्दै आएकी थिइन् । उनको हत्या कसले र किन गर्यो भन्नेबारे अनुसन्धान भइरहेको प्रहरीले जनाएको छ ।
शवलाई पोस्टमार्टमका लागि जिल्ला अस्पताल, गौर पठाइएको छ भने घटनास्थल नजिकैको स्कुलको सीसीटीभी फुटेज संकलन र मोबाइल कल विवरण अनुसन्धानलाइ अगाडि बढाइएको छ ।
© २०२३
सर्वाधिकार सुरक्षित
Design & Developed By:
