खोज

बुटवल, ७ भदौ।

रोटरी क्लब अफ बुटवलको १५७८औँ नियमित बैठक शनिबार सम्पन्न भयो। बैठकमा गेष्ट स्पिकरका रूपमा नेपालमै सफल ड्याडी’ज किचन का सञ्चालक तथा उत्कृष्ट युवा उद्यमी कमलजंग कुँवरले उद्यमशीलता र सफलता पाउनुपर्ने सूत्रबारे तिमीलाई सन्देश दिएका थिए।

कुँवरका अनुसार, सफल उद्यमी बन्न चाहन्छौ भने सबैभन्दा पहिले निरन्तरता र लगनशीलता जरुरी हुन्छ। तिमीले जे गर्ने निर्णय गर्छौ, त्यसमा लगातार मेहनत गर्नैपर्छ। मेहनतसँगै नयाँ–नयाँ प्रविधि आत्मसात् गर्दै त्यसलाई व्यवहारमा उतार्नुपर्छ, अनि प्रचार–प्रसारलाई पनि त्यत्तिकै महत्व दिनुपर्छ भन्ने उनको सल्लाह थियो।

कुँवरले भने, “प्राकृतिक सम्पदाले धनी नेपालजस्तो सम्भावना संसारमै छैन। तर, त्यो सम्भावना तिमीले नै चिन्नु, बुझ्नु र व्यवहारमा उतार्नु पर्छ। अरुले आएर तिम्रो गाउँ, पेशा वा व्यवसाय बनाइदिन्नन्। राज्यले वातावरण दिन सक्छ तर गर्नुपर्ने काम तिमीले नै गर्नु पर्छ।”

उनले गुनासो र दोषारोपण संस्कृतिबाट टाढा रहन सुझाव दिँदै भने, “राजनीतिबाट पनि भविष्य बनाउन सकिन्छ भन्ने कुरा दलहरूले युवालाई बुझाउन सके, वैदेशिक पलायन आपैm घट्छ।”

नेपालभर २३ शाखा संचालन गर्दै करिब १ हजारलाई प्रत्यक्ष रोजगारी दिइरहेका कुँवरले ड्याडी’ज फूड मोबाइल भ्यान, पपया (नो सुगर, नो अल्कोहल जुस), कुकर कफी, ड्याडी’ज केक, ड्याडी’ज किचन, ड्याडी’ज क्यान्टिन, ड्याडी’ज एक्सप्रेस जस्ता ब्रान्डमार्फत उद्यमशीलता फैलाइरहेका छन्।

बैठकमा क्लबका अध्यक्ष कृष्ण पराजुलीले रोटरीले सामाजिक सेवा मात्र नभई व्यक्तिगत नेतृत्व र व्यवसायिक विकासलाई पनि प्राथमिकता दिँदै आएको जानकारी दिए। उनका अनुसार, रोटरीले हरेक महिनामा ४ पटक नियमित बैठक गर्छ, जसले रोटरीयन, रोट्रयाक र इन्ट्रयाक सदस्यलाई व्यवसायिक र सामाजिक गतिविधि बुझ्न सहयोग गर्छ।

त्यस्तै, सचिव शिवकुमार ज्ञवालीले सहभागिहरूका प्रश्नहरूको गहन जवाफ उद्यमी कुँवरले दिएका कारण कार्यक्रम अझै उपयोगी बनेको बताए।