© 2026
२१ फाल्गुन २०८२, बिहीबार
२१ फाल्गुन २०८२, बिहीबार
काठमाडौं, ५ भदौ ।
राष्ट्रिय स्वतन्त्र पार्टी (रास्वपा) का सभापति रवि लामिछानेको समर्थनमा हालसम्म ३४ लाख नागरिकले हस्ताक्षर गरेका छन् ।
पार्टीका प्रवक्ता मनिष झाका अनुसार, लामिछानेविरुद्ध भएको राजनीतिक प्रतिशोधको विरोधस्वरूप सञ्चालनमा आएको उक्त हस्ताक्षर संकलन अभियान देशभर फैलिएको छ ।
प्रवक्ता झाले जानकारी गराएअनुसार, हस्ताक्षर अभियानसँगै सहयोग संकलन कार्य पनि अगाडि बढाइएको छ, जसअन्तर्गत हालसम्म ६५ लाख रुपैयाँ संकलन भइसकेको छ ।
उक्त अभियान पश्चिमदेखि पूर्वसम्म देशव्यापी रुपमा सञ्चालन भइरहेको छ । हालै सुदूरपश्चिमको कञ्चनपुरबाट पनि अभियान सुरु भएको छ । यसको नेतृत्व सचिवालय सदस्य दीपक बोहराले गरेका छन ।
रास्वपाले असार ७ गतेदेखि रवि लामिछानेविरुद्ध भइरहेको राजनीतिक प्रतिशोधको विरुद्धमा हस्ताक्षर संकलन अभियान सुरु गरेको हो ।
© 2026
All rights reserved.
Design & Developed By:
