© २०२३
२४ मंसिर २०८२, बुधबार
२४ मंसिर २०८२, बुधबार
रुपन्देही ।
तिलोत्तमा नगरपालिकाले आ.व. २०८१/०८२ को संस्थागत क्षमता स्वमूल्यांकन (लिजा) मा उत्कृष्ट प्रदर्शन गर्दै लुम्बिनी प्रदेशमा पहिलो र देशभरका नगरपालिकामध्ये दोस्रो स्थान हासिल गरेको छ।
नेपाल सरकारको स्थानीय शासन क्षमता स्वमूल्यांकन प्रणाली (लिजा) अन्तर्गत योजना निर्माण, बजेट कार्यान्वयन, सेवाप्रवाह, सुशासन, पारदर्शिता र जनसहभागितालगायतका सूचकाङ्कमा उत्कृष्ट नतिजा प्राप्त गरेबापत तिलोत्तमा नगरपालिकाले यो उपलब्धि हात पारेको हो। सफलताप्रति खुसी व्यक्त गर्दै तिलोत्तमा नगरपालिकाका मेयर रामकृष्ण खाणले भने, “यो उपलब्धि सम्पूर्ण तिलोत्तमावासीको गौरव हो।
हामीले गरेका कामलाई मुल्याङ्कनकर्ताहरूले उच्च स्थान दिएकोमा नगरवासीप्रति आभार व्यक्त गर्दछु। यसले हाम्रो जिम्मेवारी अझ बढेको छ र आगामी दिनमा जनताप्रति अझ जवाफदेही भएर अघि बढ्नेछौँ,” मेयर खाणले भने ।
नगरपालिकाले शिक्षा, स्वास्थ्य, पूर्वाधार विकास, वातावरण संरक्षण, सूचना प्रविधि तथा सेवाप्रवाहलाई प्राथमिकतामा राख्दै आएको छ। यसकै परिणामस्वरूप तिलोत्तमा नगरपालिकाले स्थानीय तहको कार्यसम्पादन सूचकाङ्कमा निरन्तर अग्रस्थान कायम राख्दै आएको मेयर खाणँले बताए ।
© २०२३
सर्वाधिकार सुरक्षित
Design & Developed By:
