Butwal Today

 सीमा क्षेत्रमा भेटिएको शव कोहलपुरका वर्णवालको भएको पुष्टि

बुटवल टुडे
२३ श्रावण २०८२, शुक्रबार
अ
अ+
अ-

नेपालगन्ज, २३ साउन ।

भारतीय सीमा क्षेत्र रुपइडिहामा बिहीबार भेटिएको बेवारिसे शव बाँके कोहलपुरका युवा अरुण वर्णवालको भएको पुष्टि भएको छ । सामाजिक सञ्जालमा शवको भिडियो हेरेपछि मृतकका बहिनी प्रभा वर्णवालले बायाँ हातमा ‘अरुण’ लेखिएको ट्याटुका आधारमा आफ्नै दाजु भएको पहिचान गरेकी हुन् ।

उनले फोनमार्फत भारतीय प्रहरीसँग सम्पर्क गरी शवको पहिचान गरेपछि प्रहरीको समन्वयमा परिवारलाई बोलाइएको थियो । कोहलपुर नगरपालिका–८, पिपिरी झण्डहवाका परिवारका सदस्यहरू शुक्रबार भारतीय प्रहरीको सम्पर्कमा रुपइडिहा पुगेका थिए । त्यसपछि शवलाई पोस्टमार्टमका लागि बराईच पठाइएको भारतीय प्रहरीले जनाएको छ ।

भारतीय प्रहरी सब–इन्स्पेक्टर राहुल सरोजका अनुसार मृतकको अनुहारमा चोटपटकका दाग देखिएका छन् र मृत्यु एक–दुई दिनअघि भएको हुनसक्छ । उनले मृतक नशाको कुलतमा परेको आशङ्का समेत व्यक्त गरे ।

भारतीय प्रहरीले बिहीबार अन्दाजी २६ वर्षको युवकको शव भेटिए लगत्तै नेपाली नागरिक भएको अनुमान गर्दै जमुनाहा नाकामा खटिएका नेपाल प्रहरीलाई जानकारी गराएको थियो । इलाका प्रहरी कार्यालय जमुनाहाका इन्चार्ज उपेन्द्र बुढाथोकीका अनुसार मृतकका परिवार बिहानीपख नै कोहलपुरबाट रुपइडिहा गएका थिए, तर शव लिएर अझै नेपाल फर्किएका छैनन् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

सरकारलाई ट्रेड युनियन हटाउने बाटो खुल्यो

घरदैलोमा राहदानी पाउँदा नागरिकलाई सहज

पाल्पामा घरघरमै पुग्यो राहदानी सेवा

लुम्बिनीको प्रदेश आर्थिक कार्यविधि तथा वित्तीय उत्तरदायित्व सम्बन्धी नियमावली २०८३ स्वीकृत

भट्ट, गोल्छा र अग्रवालसहित ३९ जनाविरुद्ध ‘मनी लाउण्डरिङ्ग’ मुद्दा दर्ता, अर्बौंको बिगो दाबी

सुनको मूल्यमा भारी वृद्धि, प्रतितोला कति पुग्यो ?

विश्वकप फुटबलः चेक रिपब्लिकमाथि दक्षिण कोरियाको जित

फोहोर व्यवस्थापनमा राजनीतिक अवरोध मुख्य समस्या