खोज

मही ,२० साउन ।

दाङको तुल्शिपुरमा रहेको ज्ञान ज्योति माध्यमिक विद्यालय विज्ञान सङ्काय तर्फ नेपाल प्रथम भएको छ । त्यस्तै व्यवस्थापन संकायतर्फ दाङ जिल्ला प्रथम भएको छ ।

राष्ट्रिय परीक्षा बोर्डले सोमबार सार्वजनिक गरेको कक्षा १२ को नतिजामा ज्ञान ज्योति माध्यमिक विद्यालयका छात्र कृष्ण गिरीले ३.९६ जिपिए प्राप्त गरी विज्ञान सङ्कायतर्फ उत्कृष्ट नतिजा सहित नेपाल प्रथम भएको विद्यालयका भाइस प्रिन्सिपल मनोज कुमार केसीले जानकारी दिएका छन् ।

त्यस्तै व्यवस्थापन सङ्कायतर्फ विद्यालयका छात्र सन्दीप वलीले ३.९० जिपिए प्राप्त दाङ जिल्ला प्रथम भएका छन् । ज्ञान ज्योति सेकेन्डरी स्कुल लुम्बिनी प्रदेश लगायत पश्चिम नेपालमै निरन्तर अब्बल नतिजा ल्याउन सफल भएको हो ।

ज्ञान ज्योतिको सफलताको प्रमुख आधार बौद्धिक व्यक्तिहरूको कुशल नेतृत्व, सबल व्यवस्थापन, दक्ष तथा अनुभवी शिक्षक शिक्षिकाहरूको साथ र अनुशासित, लगनशील एवं क्षमतावान् विद्यार्थीहरूको मेहनत रहेको विद्यालयका सिइओ सुरेन्द्र जिसीले बताउँछन्।

यस तुल्शिपुर ,लमही लगायत स्थानहरूमा शाखा सञ्चालन गर्दै विद्यालयले विविए, वि.ए.सी.सीएसआईटि, विसीए, विएस्सी, विविएस. र विए सङ्कायमा अध्यापन गराउँदै आएको छ । ज्ञान ज्योति माध्यमिक विद्यालय पश्चिम नेपालमै उच्च व्यवस्थापनका साथ सञ्चालन भइरहेको विद्यालयको रूपमा परिचित छ । विद्यालयले विभिन्न समय र सङ्कायमा निरन्तर उत्कृष्ट नतिजा ल्याउने गरेको छ ।