खोज

गुल्मी, १७ मंसिर ।

कम्युटर एसोशिएसन नेपाल महासंघ गुल्मीको तेश्रो जिल्ला अधिवेशनवाट अध्यक्षमा बासुदेव ऐर निर्वाचित भएका छन् । जिल्ला सदरमुकाम तम्घासमा शनिवार सम्पन्न एशोसिएशनको तेश्रो जिल्ला अधिवेशनबाट निवर्तमान कार्यसमिति अध्यक्ष ऐर पुनः अध्यक्ष पदमा सर्वसम्मत निर्वाचित भएका हुन् ।

अध्यक्ष लगायत अन्य पदाधिकारीहरु समेत सर्वसम्मत निर्वाचित बनेका छन् । निर्वाचित अन्य पदाधिकारीहरुमा उपाध्यक्ष हिमालय केसी, सचिव फर्सुराम पन्थी, सह–सचिव सरोज कुमार काउछा, कोषाध्यक्ष ईश्वर बिक र सदस्यमा सरोज खनाल, शैलेस भलामी र पार्वता भुसाल रहेका छन् ।

कार्यक्रममा निर्वाचन समितिका संयोजक भिम न्यौपानेले नव निर्वाचित पदाधिकारीहरुलाई प्रमाणपत्र हस्तान्तरण गरेका थिए । कम्युटर एशोसिएशन नेपाल लुम्बिनी प्रदेश सदस्य कृष्ण खनालले नवनिर्वाचित पदाधिकारीहरुलाई बधाई तथा शुभकामना प्रकट गर्दै संस्थालाई आगामी दिनमा प्रदेशमै नमुना बनाउने गरी काम गर्न नव कार्यसमितिलाई शुभेच्छा प्रकट गरेका थिए ।

नवनिर्वांचित अध्यक्ष वासुदेव ऐरले जिल्लामा संस्थाले गरेको कार्य उपलब्धि र आगामी दिनमा गर्नु पर्ने कामहरुको बारेमा प्रतिवेदन प्रस्तुत गरेका थिए । उनले सबैको सल्लाह र सुझावलाई आत्मसाथ गर्दै आगामी दिनमा संस्थाको संस्थागत विकासका लागि थप सक्रियतापुर्वक अघि बढ्ने प्रतिवद्धता व्यक्त गरेका थिए । उक्त समितिको कार्यकाल आगामी दुई वर्षको रहने बताईएको छ ।