खोज

बुटवल, १६ मंसिर ।

मानव अधिकारको रुपमा शिक्षा र यसको कार्यान्यनमा स्थानीय सरकारको भूमिका र जोखिममा रहेका किशोरीहरुलाई साना व्यवसाय सञ्चालन लागि विउ पुँजी वितरण कार्यक्रम सम्पन्न भएको छ ।

कार्यक्रममा बोल्दै महिला, बालबालिका तथा ज्येष्ठ नागरिक मन्त्रालयका उपसचिव शारदा बस्यालले सस्थाले दिएको रकमलाई सही ठाउँमा सदुपयोग गर्दै आत्मनिर्भर बन्न किशोरीहरुलाई आग्रह गरिन् । उनीहरुलाई समाजमा आगामी दिनमा रोलमोडल भएर प्रस्तुत हुन निरन्तर लगनशील र कामप्रति उत्तरदायी भएर काम गर्न गर्नुपर्नेमा उनले जोड दिइन् ।

कार्यक्रममा बोल्दै सेतो गुराँस बाल विकास सेवा केन्द्र रुपन्देहीका कार्यकारी निर्देशक सुमित्रा शर्माले रकम थोरै भए पनि त्यसलाई सही तरिकाले लगानी गर्न सके किशोरीहरुलाई व्यवसाय सुरु गर्न सहयोगी बन्न सक्ने भन्दै त्यसबाट आफुलाई व्यवसायी बनाएर आर्थिक रुपमा सबल बन्न सक्ने बताईन् । किशोरीहरु आत्मनिर्भर बन्न सके समाजमा हुने धेरै प्रकारका हिंसा कम गर्न सहयोग पुग्ने धारण उनले व्यक्त गरिन् ।

गैरसरकारी संस्था महासंघ लुम्बिनी प्रदेश सदस्य रिमा विसीले स्थानीय तह र मानव अधिकारका विषयमा बोल्दै किशोरीहरुका हक र अधिकारका बारेमा सबै जानकार हुनपर्नेमा जोड दिईन् ।

कार्यक्रममा बुटवल उपमहानगरपालिका भित्रका नौजना किशोरीहरुलाई प्रति व्यक्ति नगद २० हजार रुपियाँ प्रदान गरिएको जीवनका लागि सिकाई परियोजना संयोजक जीवनकुमार तामाङले बताए । उनले संस्थाले यसअघि ३५ जनालाई रकम हस्तान्तरण गरिएको भन्दै त्यसबाट आफ्नो दैनिक जीवनलाई आर्थिक रुपमा सबल बनाउन सक्षम हुने विशवास लिएको बताए ।

कार्यक्रममा बुटवल उपमहानगपालिका शिक्षा शाखा अधिकृत यादव विष्ट, बुटवल उपमहानगरपालिकाको वडा नं. २ का कार्यवाहक अध्यक्ष गौतमलाल शाक्य, समिता मल्ल, मिनु श्रेष्ठ लगायतले बोलेका थिए । लैङ्गिक हिंसा विरुद्धको १६ दिने अभियानको अवसर पारेर सेतो गुराँस बाल विकास सेवा केन्द्र रुपन्देही र शिक्षाका लागि राष्ट्रिय अभियान नेपाल जिल्ला समन्य समिति रुपन्देही, महिला बालबालिका तथा ज्येष्ठ नागरिक मन्त्रालय र किडाशाको संयुक्त आयोजनामा कार्यक्रम सम्पन्न भएको हो ।