© २०२३
१९ मंसिर २०८२, शुक्रबार
१९ मंसिर २०८२, शुक्रबार
गुल्मी, ११ साउन ।
गुल्मीमा आगलागीबाट एक जनाको मृत्यु भएको छ । आगलागीमा परि धुर्कोट गाउँपालिका-५ वस्तु अमराईकी ३० वर्षीया जुना बिकको मृत्यु भएको जिल्ला प्रहरी कार्यालय गुल्मीका सूचना अधिकारी एवं प्रहरी नायब उपरीक्षक गंगा बहादुर सारुले जानकारी दिएका छन् ।
प्रहरीका अनुसार आइतबार बिहान ३ बजेको समयमा आगलागी भएको थियो । मृतक जुना ७० वर्षीया आमा मनिदेवी बिकसँग बस्दै आएको बताइएको छ ।
उनको जस्ताले छाएको कच्ची एक तले घर थियो । प्रहरीका अनुसार मनिदेवीसँगै बस्ने छोरा तर्फका दुई नातिहरू भने सकुशल रहेका छन् । मृतक जुनाको मानसिक सन्तुलन ठिक नभएको प्रहरीले जनाएको छ ।
घटनाको जानकारी पाउनासाथ इलाका प्रहरी कार्यालय पुर्कोटदहबाट प्रहरी निरीक्षक रेवन्त सेनको नेतृत्वमा टोली बिहानै घटना स्थलमा खटिएको थियो।
आगलागीबाट तीन लाख भन्दा बढीको क्षति भएको अनुमान गरिएको छ । मृतकको शव पोस्टमार्टमका लागि सदरमुकाम तम्घास ल्याइँदै गरिएको बताइएको छ ।
© २०२३
सर्वाधिकार सुरक्षित
Design & Developed By:
