© 2026
१८ माघ २०८२, आइतबार
१८ माघ २०८२, आइतबार
सुर्खेत,१० साउन ।
सुर्खेतमा एक युवक माथि चक्कु प्रहार भएको छ । वीरेन्द्रनगरस्थित बसपार्कमा गए राति अज्ञात समूहले लेकबेशी नगरपालिका–६ का २२ वर्षीय ललित परियारमाथि चक्कु प्रहार गरेका हुन् ।
जिल्ला प्रहरी कार्यालय सुर्खेतका प्रहरी नायव उपरीक्षक मोहनजंग बुढ्थापाका अनुसार राति १२ बजेको समयमा वीरेन्द्रनगर बसपार्कमा परियारमाथि धारिलो हतियार प्रहार भएको थियो ।
थापाका अनुसार स्कुटरमा आएका दुई जनाको समूहले परियारमाथि आक्रमण गरी फरार भएका थिए । घाइते परियारलाई तत्कालै उपचारका लागि नेपालगन्ज लगिएको छ ।
प्रहरीले आक्रमणमा संलग्नहरूको खोजी कार्य तीव्र पारेको जनाएको छ । हालसम्म घटनामा संलग्न कसैलाई पनि पक्राउ गरिएको छैन ।
प्रहरीले घटनाको थप अनुसन्धान भइरहेको र शङ्कास्पद व्यक्तिहरूको पहिचान गर्ने प्रयास भइरहेको जनाएको छ । पीडित पक्षले दिएको हुलियाका आधारमा प्रहरीले आक्रमणकारीको खोजी गरिरहेको छ ।
प्रहरी नायव उपरीक्षक बुढ्थापाका अनुसार घटनाको अनुसन्धान जारी छ ।
© 2026
All rights reserved.
Design & Developed By:
