© २०२३
२७ मंसिर २०८२, शनिबार
२७ मंसिर २०८२, शनिबार
सल्यान, ७ साउन ।
कर्णाली प्रदेशको उद्योग, पर्यटन, वन तथा वातावरण मन्त्रालयअन्तर्गत उत्कृष्ट कार्यसम्पादनको मूल्यांकनमा सल्यान जिल्ला प्रथम भएको छ।
आर्थिक वर्ष २०८१ /०८२ को वार्षिक कार्यसम्पादनको आधारमा कर्णालीका १० वटै जिल्लामध्ये सल्यानस्थित उद्योग तथा उपभोक्ता हित संरक्षण कार्यालयले उत्कृष्टता हासिल गरेको हो।
सोमबार र मंगलबार कर्णालीको राजधानी सुर्खेतमा चलेको वार्षिक समिक्षा गोष्ठीमा मन्त्रालयले उद्योग तथा उपभोक्ता हित संरक्षण कार्यालय सल्यानका प्रमुख श्याम खरेललाई प्रसंशापत्र सहित सम्मान गरेको हो ।
सबैको सहकार्य, वित्तीय अनुशासन तथा पारदर्शिता कायम गर्न सफल भएकाले उत्कृष्ट नतिजा हासिल गर्न सकिएको कार्यालय प्रमुख खरेलको भनाइ छ । उनले यस सम्मानले आगामी दिनमा अझ प्रभावकारी र जनमुखी सेवा प्रदान गर्न थप प्रेरणा मिलेको प्रतिक्रिया दिए।
कार्यालयले चालु आर्थिक वर्षमा पूँजीगत तर्फ ९७.३५ प्रतिशत र चालुतर्फ ८२.१९ प्रतिशत बजेट खर्च गर्न सफल भएको थियो।स्वीकृत दुई करोड १८ लाख १८ हजार ५०० रुपियाँ बजेटमध्ये एक करोड ८५ लाख दुई हजार ७२४ रुपियाँ खर्च भई समग्रमा ८४.८० प्रतिशत वित्तीय प्रगति हासिल भएको कार्यालयका सूचना अधिकारी ध्रुव बहादुर खत्रीले बताए ।
© २०२३
सर्वाधिकार सुरक्षित
Design & Developed By:
