खोज

पाल्पा, ३ साउन ।

पाल्पा जिल्लाका १० स्थानीय सरकारलाई प्राप्त भएको विकास बजेटबाट १ अर्ब भन्दा बढी रकम फिर्ता पठाएको छ । स्थानीय सरकारले संचालन गरेका ठुला ठुला विकासे आयोजनाका लागि विनियोजित रकमबाट संचालन भएका योजनाहरु पुरा हुन नसक्दा रकम फिर्ता भएको हो ।

स्थानीय सरकारले प्रस्तावित गरेका ठुला ठुला महत्वकांक्षी योजनाका लागि निर्माण व्यवसायीमार्फत गरिएको कामको उल्लेखनीय रुपमा भौतिक प्रगति हुन नसक्दा रकम फिर्ता भयो । १० स्थानीय तहमध्ये तानसेन नगर र निस्दी गाउँपालिकाको वित्तीय प्रगति अन्यको तुलनामा कमजोर देखिएको कोष तथा लेखा नियान्त्रकको कार्यालयले जनाएको छ ।

कार्यालयका प्रमुख तथा प्रमुख कोष नियन्त्रक सशिन्द्र खातीका अनुुसार चालु तर्फ ४ अर्व ३८ करोड ८० लाख ३ अर्व ७९ करोड ७७ लाख खर्च भएको छ । त्यसैगरी पुजीगततर्फ २ अर्व ५० करोड ३८ लाखबाट १ अर्व ८४ करोड ८० लाख खर्च भएको थियो । पुजीगत तर्फ सबै भन्दा बढी वगनासकाली गाउँपालिकाले ८६.१६ प्रतिशत, रम्भा गाउँपालिकाले ८१.७ प्रतिशत र रिब्दीकोट गाउँपालिकाले ८० .८७ प्रतिशत हासिल गर्दा श्रोत र साधनले सम्पन्न निस्दी गाउँपालिकाले ६७.२७ प्रतिशत र सदरमुकाम रहेको तानसेन नगर सरकारले ६६.५२ प्रतिशत वित्तीय प्रगति गरेको कार्यालयले जनाएको छ । वित्तीय प्रगतिमा सबै भन्दा कमजोर देखिएको तानसेन नगरका प्रमुख प्रशासकीय अधिकृत पिताम्वर पाण्डे भन्छन् “ठेक्का लगाएको काम निर्माण कम्पनीले समयमा नगरीदिदा वित्तीय प्रगति कम भयो । ढल निर्माणको काम नै भएन । “सडक वोडबाट पैसा आयो काम भएन । त्यसैगरी महिला स्वास्थ्य भवन निर्माणका लागि विनियोजीत रकम पनि खर्च भएन यस्ता कारणले रकम खर्च हुन नसक्दा वित्तीय प्रगति कम भएको हो”–उनले भने ।

श्रोत र साधन सबै भन्दा बढी भएको ठानिने निस्दी गाउँपालिकाको मेत वित्तिय प्रगति कमजोर हुनुमा गाउँपालिकाको गौरवको आयोजना भनिने केम खाच्चा सडक मार्गका कारण वित्तीय प्रगतिमा धक्का लागेको गाउपालिकाका अध्यक्ष मुक्तबहादुर सारुले बताए । निर्माण व्यवसायीले भौतिक प्रगति कम गर्दा ठुलो रकम फिर्ता भयो । विकास र निर्माणका कार्यमा स्थानीयको लागत सहभागिता कम हुन लाग्यो जसले गर्दा उपभोक्ता समिति गठन गरे पनि यही लागत सहभागिताका कारण कामको थालनी हुन नसक्दा रकम फिर्ता भएको उनले बताए ।