खोज

बुटवल, २ साउन ।

वैदेशिक शिक्षा सेवा र शैक्षिक परामर्श सम्बन्धी कार्य गर्दै आएको एक्सपर्ट एजुकेशन एण्ड भिसा सर्भिसेस प्रा.लि.ले सरसफाई कार्यक्रम सम्पन्न गरेको छ । बुटवलको राजमार्ग चौराहामा आउँदो आइतबार आयोजना हुन गइरहेको शैक्षिक परामर्श कार्यक्रम “द एक्सपर्ट एज ग्लोबल एजुकेशन एक्स्पो—२०२५” को पूर्वसन्ध्यामा राजमार्ग चौराहमा सरसफाइ कार्यक्रम सम्पन्न भएको हो ।

शिक्षासँगै स्वच्छता अभियानको आयोजक एक्सपर्ट एजुकेशन टिमले स्थानीय क्षेत्रको सरसफाइ गर्दै, स्वच्छ वातावरणमा शैक्षिक कार्यक्रम सञ्चालन गर्ने उद्देश्यसहित अभियान सञ्चालन गरेको बताइएको छ । संस्थाले युके, क्यानडा, अस्ट्रेलिया, अमेरिका र न्यूजील्याण्ड जस्ता विकसित राष्ट्रमा अध्ययन गर्न जाने विद्यार्थीका लागि आवश्यक सेवा र परामर्श प्रदान गर्ने उद्देश्यले ‘द एक्सपर्ट एज ग्लोबल एजुकेशन एक्स्पो—२०२५’ आयोजना गर्न लागेको हो ।

 रुपन्देही र आसपासका विद्यार्थीहरूलाई उच्च शिक्षा सम्बन्धी परामर्श, अवसर र जानकारी दिने लक्ष्य राखिएको यो शैक्षिक सेमिनार कार्यक्रमलाई बुटवलकै ठूलो शैक्षिक कार्यक्रमको रूपमा हेरिएको छ । पछिल्लो समय युवा पुस्ताको बैदेशिक मोहका कारण युवा विदेशीने क्रम तीव्र छ । हरेक घरघरका युवा पिढी उच्च शिक्षा अध्ययन गर्नका लागि विभिन्न देश गैरहेको अवस्था छ । त्यसमा पनि विद्यार्थीहरुको रोजाईमा रहेका क्यानडा, अमेरिका, अस्ट्रेलिया, युके, न्यूजील्याण्ड लगायतका मुलुकहरुमा अध्ययन गर्न जाने विद्यार्थीहरुको भिड दिनानु दिन बढेको छ ।

बुटवलमा शाखा कार्यालय रहेको एक्सपर्ट एजुकेशन एण्ड भिसा सर्भिसेस प्रा.लि.ले विशेष गरी क्यानडा, अमेरिका, अस्ट्रेलिया, युके, न्यूजील्याण्ड अध्ययनका लागि जान चाहने बिद्यार्थीको मागलाई मध्यनजर गदै आफूहरुले ‘द एक्सपर्ट एज ग्लोबल एजुकेशन एक्स्पो—२०२५’ शैक्षिक भेला अर्थात सेमिनारको आयोजना गरेको एक्सपर्ट एजुकेशन एण्ड भिसा सर्भिसेस प्रा.लि.का निर्देशक शंकर सापकोटाको भनाई छ । निर्देशक सापकोटाले बिदेशमा गरेको अध्ययन, सिकेको सिप र आर्जन गरेको कमाईलाई स्वदेश फर्केर आफ्नै देश र समाजमा लगानी गर्न आग्रह गरेका छन् ।

बैदेशिक अध्ययनमा जान चाहने विद्यार्थीहरुलाई २ दशकदेखि सेवा प्रदान गर्दै आएको यो संस्थाले सामाजिक रुपमा आफ्नो दायित्व समेत पूरा गर्दै आएको छ । खासगरी अष्ट्रेलिया, क्यानडा, यूके, अमेरिका, न्यूजील्याण्ड लगायतका देशमा अध्ययनका लागि जाने बिद्यार्थीको रुचि र चाहना अनुरुप संस्थाले समय समयमा विभिन्न देशका काउन्सिलर अर्थात सहजकर्ताहरुले विश्वसनीय सेवा र परामर्श प्रदान गर्न यस्ता किसिमका भेला तथा सेमिनार आयोजना गर्दै विद्यार्थीहरुको चाहना पूरा गराएको एक्स्पर्ट एजुकेसन बुटवल शाखाका बिजनेस डेभलपमेन्ट म्यानेजर काशीराज गौतमको भनाई छ ।

एक्सपर्ट एजुकेशन तथा भिषा सर्भिसेज शैक्षिक परामर्श सेवाको क्षेत्रमा उत्कृष्ट कार्य गरेवापत अन्तर्राष्ट्रियस्तरमा सम्मानित भैसकेको संस्था हो । हालसम्म नेपालका प्रमुख शहरहरु काठमाडौं, पोखरा, बुटवल, भैरहवा, चितवन, नवलपरासी, इटहरी, विर्तामोड, नेपालगञ्ज लगायत १९ स्थानमा शाखा विस्तार गर्न सफल भएको छ । एक्स्पर्ट एजुकेशन एण्ड भिसा सर्भिसेस प्रा.लिले नेपालमा बिगत दुइ दशकदेखि सेवा उपलब्ध गराउदै आएको छ । हालसम्म प्रत्यक्ष तथा अप्रत्यक्षरुपमा ७० हजार बढी विद्यार्थीहरुलाई शैक्षिक परामर्श तथा भिषा सम्बन्धी सेवा उपलव्ध गराएको छ ।