खोज

दाङ, १४ मङ्सिर ।

लैङ्गिक बिभेदमा आधारित हिंसा विरुद्धको १६ दिने अभियान अन्तर्गत मिडियामा लैङ्गिक हिंसाका सवाल विषयक अन्तत्र्रिmया कार्यक्रम बुधबार घोराहीमा सप्पन्न भयो । नेपाल पत्रकार महासङ्घ दाङ शाखाको संयोजन र फ्री मिडिया नेटवर्क दाङको आयोजनामा कार्यक्रम भएको हो ।

दाङका दैनिक पत्रिकामा लैङ्गिक सवालको उठान के कसरी भइरहेको छ भन्ने विषयमा पत्रकार जे एन सागरले कार्यपत्र प्रस्तुत गर्दै दाङका पत्र पत्रिकामा छापिएका समाचारलाई अध्ययन गरेर प्रस्तुत गरेका थिए । दाङमा ४२ बढी सञ्चार माध्यम रहेकोे र पत्रकार महासंघ दाङमा २७३ जना सदस्यमा ६१ जना महिला पत्रकार रहेकोे बताए । छापा माध्यम दाङमा ५ वटा मध्ये ४ वटा मा महिला सम्पदक रहेको जानकारी दिए ।

महिला सम्बन्धी सामाचार प्रकाशित भएको र सबै छापा माध्यमले प्राथमिकतामा राखेर महिला सम्बन्धी समाचारलाई प्रकाशित गरेको उनले बताए । प्रेस काउन्सिलका सदस्य शरद अधिकारीले पत्रकार महिलाहरु कार्यक्षेत्रमा कसरी काम गरिरहेका छन् भन्ने बारेमा अनुगम थालेको बताए । अरु हिंसा भएका समाचार लेख्ने पत्रकारको अबस्था पनि जान्न जरुरी रहेको उनले बताए ।

कार्यक्रममा जिल्ला प्रहरी कार्यालय दाङ प्रहरी निरीक्षक मिरा खडकाले महिला हिंसाको अबस्था हेर्दा लुम्बिनी प्रदेशमा लैङ्िगक हिंसाको घटना दाङमा धेरै भएको बताइन् । महिलाहरू आर्थिकरुपमा कमजोरी भएका महिला हिंसा बढेको उनको भनाइ थियोे ।

नागरिक समाज दाङका संयोजक केबि मसालले लक्षित वर्गसम्म कार्यक्रम पुग्न नसकेको बताए । मिडियाले हिंसाका कुरालाई प्राथमिकता दिएर सम्बन्धित निकायलाई घच्घच्याउनु पर्ने बताए । सो अवसरमा सामाजिक रुपान्तरणका लागि महिला मंच सचिव सुशीला आचार्य, पत्रकार महासङ्घ दाङ शाखाका पुर्व उपाध्यक्ष लिला शाह, महिला मानव अधिकार रक्षक संजाल दाङका अध्यक्ष सुशिला पौडेल , सिसाका अध्यक्ष ससिदा सिद्धिकि, पत्रकार महासंघ दाङका सल्लाहकार लक्ष्मी आचार्यले लगायतले आ आफ्नो धारणा राखेका थिए । पत्रकार महासंघ दाङ शाखाका अध्यक्ष दुर्गालाल केसीको अध्यक्षतामा कार्यक्रम भएको थियोे ।