खोज

बाँके, २४ असार ।

भारतीय पर्यटकहरूलाई लक्षित गरी विगतका वर्षहरूमा सुरु गरिएको कैलाश मान सरोवरको यात्रा सुरु गरिएको छ । कोरोनाकालदेखि २०७६ यता बन्द रहेको हुँदा हाल केही दिन अगाडीदेखि पुनः सुरु भएकोमा पर्यटकहरूद्वारा खुसी व्यक्त गरिएको छ ।

भारतीय पर्यटकहरूले नेपालगन्ज नाका प्रयोग गर्दै कैलाश मानसरोवर सम्मको यात्रा गर्ने गरेका छन् । जसबाट नेपालगन्जमा रहेको होटल व्यवसायीहरूलाई एक देखि तीन दिन सम्म भारतीय पर्यटकहरूलाई सेवा दिन मौका मिल्ने गरेको छ । विगत २०७४ देखि बन्द हुँदा आर्थिक नोक्सानी हुँदै आएकोमा हाल केही दिन अगाडी देखि सुरु भएदेखि नेपालगन्जका होटल व्यवसायीहरूले समेत खुसी व्यक्त गरेका छन् ।

कोरोनाकालमा चाइनाले भारतीय पर्यटकहरूलाई रोक लगाएपछि कैलाश मानसरोवरसम्मको यात्रा रोकिएको थियो । धार्मिक पर्यटकहरूको लागि कैलाश मानसरोवरको यात्रा गर्दै सबभन्दा छिटो र छरितो भनेकै नेपालगन्ज नाका हुँदै गरिने यात्रा नै रहेको मानिन्छ । जसबाट भारतीय धार्मिक पर्यटकहरूले फाइदा उठाउँदै आइरहेका छन् ।

केही दिनको मात्र धार्मिक पर्यटकहरूको सङ्ख्यामा उल्लेख्य वृद्धि भएको नेपालगन्जमा रहेका होटल व्यवसायीहरूको भनाई रहेको छ । एक जना होटल व्यवसायीका अनुसार करिब ८ सय देखि १ हजारसम्म धार्मिक पर्यटकहरूले कैलाश मानसरोवरको यात्रा यस नेपालगन्ज नाकाबाट हालसम्म गरिसकेको बताए ।

होटल व्यवसायीहरूका अनुसार भारतको विभिन्न स्थानहरूबाट आउने धार्मिक पर्यटकहरूले एक रात भए पनि नेपालगन्जमा बास बस्ने गरेका छन् भने कतिपय यात्रुहरूले नेपालगन्जमा बसोबास गरेर बागेश्वरी माताको दर्शन समेत गर्ने गरेका छन् । जसले गर्दा यहाँका स्थानीयहरूले प्रत्यक्ष आर्थिक लाभ हुने गरेको बताउँछन् ।

तर नेपाल सरकारले यहाँ रहेका पर्यटकीय स्थलहरूको जुन स्तरबाट प्रचारप्रसार गर्नु पर्ने हो सो अनुसार नगरेको हुँदा भारतबाट आउने धार्मिक पर्यटकहरूलाई बाँके, बर्दिया लगायत जिल्लामा धार्मिक पर्यटकीय तवरले कहाँ कहाँ कति समयमा, कति खर्चमा पुग्न सकिन्छ भन्ने जानकारी अभाव हुँदा उनीहरूले नेपालगन्ज नाका हुँदा सिधै कैलाश मानसरोवर यात्रा गर्ने गरेका छन् ।