खोज

बर्दिया,०४ असार । 

भगौती सानै उमेरमा आफ्नो बाबु सँग गाउँ गाउँ मानिसहरूको घर झारफुक गर्ने बेला हेर्न जान्थे । उनी सानै देखि बाबु सँग घुम्न र झारफुक गरेका हेर्न रुचाउँथे । उनले आफ्नो बाबुको देखासिकी गरेर धेरै सिकेका थिए उलि ठूलो भएपछि झारफुक गर्नका लागि विद्यया पनि सिके र झारफुक गर्न थाले ।

अहिले भगौती थारु उमेरले अहिले करिब ६५ वर्षको पुगेका छन् । उनी बाल्यकालको करिब १६ वर्षको उमेरबाटै झारफुक गर्दै आएका छन् । उनी आफ्नो बाबुबाट सिकेको झारफुक अहिले ५० वर्ष पुगेको छ । उनका बाबु पहिला गुरुबा भएर मानिसहरूको झारफुक गर्ने गर्थे जस कारण उनी आफ्नो बाबुबाट झारफुक गर्नका लागि सहजै सिक्न मिलेकोले बाल्यकालबाटै झारफुक गर्दै आएका छन् ।

कुनै समय थियो, मानिस बिरामी पर्दा घरका मानिसहरूले गुरुबा या झाँक्री कहाँ लग्ने गरेका हुन्थे । जति विश्वास गुरुबा झाँक्रीलाई गर्थे त्यति विश्वास डाक्टरलाई गर्थेनन् । डाक्टर भन्दा धेरै भुतपरेतमा बढी विश्वास त्यति बेला गर्ने गर्थे तर समय परिवर्तन सँगै मानिसहरूको सोच पनि परिवर्तन हुनु स्वाभाविक हो । अहिले मानिसहरू डाक्टर सँग सँगै गुरुबा झाँक्रीलाई झारफुक गराउने गरेका छन् । त्यति मात्र होइन बाँके लगायत बर्दिया जिल्लामा ठुला अस्पतालका डाक्टर समेट गुरुबा झाँक्री कहाँ झारफुक गराउन सल्लाह दिने गरेको पाइन्छ ।

पाँच दशक पहिला भगौती बाबुले गाउँ लगायत छिमेकी गाउँका बिरामीहरूलाई झारफुक गरेर मानिसहरूलाई सन्चो गर्ने गरेका हुन्थे तर समय बित्दै गएपछि उनको बाबुको मृत्यु पछि सानै उमेर देखि आफ्नो बाबु सँग सिखेका झारफुक भगौती थारुले सानै उमेर देखि मानिसहरूको सेवा गर्न थाले । उनी २५वर्षको उमेरमा राजाबाट सम्मानित भएको र गुरुबा वैदवाको प्रमाणपत्र समेत पाएका जानकारी गराए ।

केही समय गुरुबालाई मानिसहरूले विश्वास गर्न छाडेका थिए तर डाक्टरले मसते गुरुबालाई देखाउन भने पछि फेरी गुरुबा कहाँ झारफुक गर्न जाने गरेको जानकारी गराए । अहिले दैनिक एक सय बढी मानिसहरूलाई दैनिक झारफुक गर्दै आएको छु । उनले भने, मैले पहिला आफ्नो घर बढैयाताल गाउँपालिका वडा नम्बर ५ बढैया गाउँमै झारफुक गर्दै आएको जानकारी गराए । करिब दश वर्ष भयो भारतको लखनउबाट डाक्टरहरू आफै झारफुकका लागि लिन आएपछि महिना पच्छे त्यहाँ पनि जाने गरेको बताए ।

केही त्यस्तो बिरामी पनि ठिक भएका छन् जसलाई अस्पतालबाट रागै पत्ता लगाउन सक्दैनन् । मेरो घरमा लामो समय सम्म बसेर झारफुक गराउँछन् र ठिक भएपछि आफ्नो घर जान्छन् । उनले भने, अहिले सम्म हजारौँ बिरामीहरूलाई ठिक गरिसकेको भगौती दाबी गर्छन् । दैनिक एक सय देखि दुई सम्म बिरामी मानिसहरूलाई झारफुक गर्ने गरेको छु । झारफुकबाट सन्चो भएका मानिसहरू खर्चका लागि सय पचास रूपैँया दिएर जाने गर्छन् । उनले भने ।

यो हाम्रो पर्खैउली पेसा जस्तै भएको छ । पहिला मेरो बाबुले झारफुक गर्नु हुन्थ्यो त्यसपछि मैले गर्न थाले तर अब मेरो छोले गर्छ कि गर्दैन भन्न सकिँदैन । पहिलाका धेरै पढेलेखेका मानिसहरू थिएनन् तर अहिले पढेलेखेका युवायुवतीहरूलाई समाज सेवामा धेरै मन नलाग्ने र विदेशीने जस्ता कुराले छोराले के गर्छ भन्न सकिन्न । छोराले सिकाउने कोसिसमा छु तर यो सामाजिक सेवा गर्छ या गर्दैन भन्न सकिन्न ।

पहिला धेरै पढाइमा ध्यान नभएको कारणले मैले सानै उमेरमा गुरुबा सिकेको थिए तर मेरो छोरालेपनि चासो देखाएको छैन तर सिक्न चाहिँ सिकिरहेको छ । उनले भने । करिब ७ वर्ष देखि डाक्टर सँग उपचार गराए थकित भएका गाँग थारुले भगौती थारु सँग झारफुक गरेको ३ महिना मै ठिक भएको कोहलपुर नगरपालिका वडा नम्वर ११ गाँग थारुले बताइन । उनले भनिन्, उपचार गराउँदा धेरै पैसा खर्च गरे तर ठिक नभएपछि डाक्टरले गुरुबालाई देखाउन भने त्यसपछि  धेरै समय पत्ता लगाएर यहाँ झारफुक गर्दा ठिक भएको बताइन ।

त्यसै ३ वर्ष पहिला देखि उपचार गराउँदै आएकी भारतको बाबागंजबाट भारतीय नागरिक रियाज खाँ एक साताको झारफुक गरे पछि ठिक भएको बताइन । उनलाई डाक्टरले डमको बिरामी भएको बताएका थिए तर ३ वर्ष निरन्तर औषधी खाए पनि सन्चो भएको थिएन तर यहाँ आएर झारफुक गर्दा ठिक भएको बताइन ।  यो समयमा झारफुक गरेर मानिस ठिक भएको भन्दा अचम्म लाग्न सक्छ तर झारफुक गरेर मानिसहरूलाई ठिक गर्ने साक्षी भएका छन् भगौती थारु ।