© २०२३
२८ मंसिर २०८२, आइतबार
२८ मंसिर २०८२, आइतबार
गुल्मी, २ असार ।
पहिरोका कारण गुल्मीको कालिगण्डकी कोरिडोर सडक अवरुद्ध बनेको छ । उक्त सडकखण्ड अन्तरगत जिल्लाको कालिगण्डकी गाउँपालिका–६ स्थित बरल्वामा आज अपराह्न सडक माथिबाट पहिरो खस्दा सडक पूर्ण रूपमा अवरुद्ध बनेको जिल्ला प्रहरी कार्यालय गुल्मीले जनाएको छ ।
सडक अवरुद्ध भएको खबर प्राप्त हुनासाथ प्रहरी चौकी भुर्तुङबाट प्रहरी सहायक निरीक्षक देव बहादुर भुजेलको नेतृत्वमा प्रहरी टोली घटनास्थलतर्फ खटिएको जिल्ला प्रहरी कार्यालयका प्रहरी नायब उपरीक्षक (डिएसपी ) गङ्गाबहादुर सारूले जानकारी दिएका छन् ।
सडक माथिबाट चट्टान सहित ठुलो पहिरो खसेका कारण पहिरो पन्छाउन केही समय लाग्ने सारूले बताएका छन्। सडक अवरुद्ध बनेपछि कालिगण्डकी कोरिडोर अन्तरगत गुल्मी सडक खण्डमा दुवै तर्फका लामो तथा छोटो दुरीका सम्पूर्ण सवारी साधनहरू बिच बाटोमै अलपत्र परेका छन् ।
© २०२३
सर्वाधिकार सुरक्षित
Design & Developed By:
