खोज

बुटवल, २९ जेठ ।

होटल व्यवस्थापनमा नाम कमाएको रुपन्देही वेष्ट्रन मेघा कलेज ढवाहाले नयाँ शैक्षिकसत्रसंगै विविध कार्यक्रम गर्ने भएको छ । बिहीबार कलेज परिसरमा पत्रकार सम्मेलन गरी नयाँ शैक्षिक सत्रको शुुरुवातसंगै १० दिने निःशुल्क होटल व्यवस्थापन तालिम, फुड फेस्टिबल तथा बिएचएमको नयाँ भर्ना समेत खुलाइएको कलेजका प्राचार्य अधिवक्ता किसु शर्माले बताए । असार १ गतेबाट निःशुल्क तालिम हुने उनले बताए । सेफ दिपक राउतबाट सहजिकरण हुने उनले बताए । यसै गरी भदौ पहिलो हप्ता स्वाद र संस्कृति उत्सव नेपाली परिकार महाअभियान नारासहित फुड फेस्टिबल गरिने उनले बताए । भदौ ४ देखि ६  गतेसम्म सञ्चालन हुने उनले बताए ।

कक्षा १२ पास गरेका विद्यार्थीहरूलाई लक्षित गरी तालिम सञ्चालन गरिएको उनले बताए । सामाजिक उत्तरदायित्व अन्तरगत तालिम चलाउन लागेको उनले बताए । तालिम २ सय विद्यार्थीहरू सहभागी हुने लक्ष्य रहेको उनले बताए । यसै गरी नयाँ भर्नासँगै केही थप सुविधाहरू विद्यार्थीहरूलाई दिइने उनले बताए । जसमा विभिन्न देशको भ्रमण, तेस्रो सेमिष्टारमा व्यक्तित्व विकासको कक्षा, पाचौ सेमिस्टारमा जापनिज भाषा र छैटौँ सेमिस्टारमा चाइनिज भाषा थप गरिएको उनले बताए ।

कलेजका अध्यक्ष मेघराज पन्थले सुरुवातमा बुटवल पश्चिममा नमुना रिर्सोट सञ्चालन गरेको उनले बताए । पर्यटन क्षेत्रसंग जोडेर दक्ष जनशक्ति उत्पादन गर्ने लक्ष्यसहित बि सं २०७४ सालदेखि कलेज स्थापना गरिएको बताए । स्थापनाकालदेखि कलेजबाट ४५० जना होटल व्यवस्थापन विषयमा अध्ययन गरेर पास आउट भएको उनले बताए । हाल बिएचएम र एमबिए मा गरी कलेजमा ४ सय विद्यार्थीहरू अध्ययनरत छन् । यसै गरी कलेजमा असार ३ गते मंगलबार रक्तदान कार्यक्रम समेत राखिएको छ ।