खोज

लमही, २८ जेठ ।

राजपुर गाउँपालिका–७ मा कालाकाटे–सिक्टा सडक निर्माणको ढिलाइविरुद्ध तातिँदै सङ्घर्ष समिति गठन गरिएको छ । हुलाकी राजमार्ग अन्तर्गतको यो सडक खण्डको निर्माणमा लामो समयदेखि भइरहेको ढिलासुस्तीले स्थानीय वासीलाई कठिनाइमा पारिरहेको छ । स्थानीय वासीहरूको सक्रिय सहभागिता सहित राजपुर–७ का वडाध्यक्ष पुस्कर वलीको संयोजकत्वमा तदर्थ सङ्घर्ष समिति गठन भएको वलिले बताए ।

सङ्घर्ष समितिका संयोजक वलीले भने, “सडक निर्माण कार्य समयमै सम्पन्न नहुँदा स्थानीयवासीले सास्ती भोगिरहेका छन् । वर्षा याममा झन् समस्याहरू चुलिन्छन्, त्यसैले हामी अब चुप बस्दैनौँ ।” स्थानीय वासीहरू धुलो, हिलो र असहज यात्रा गर्न बाध्य भएका छन् । सडक निर्माणको ढिलाइले जनस्वास्थ्य, यातायात र आर्थिक गतिविधिमा प्रतिकूल असर गरेको छ ।
समिति चाँडै हुलाकी राजमार्ग आयोजना कार्यालय नेपालगन्जमा ज्ञापन पत्र बुझाउने तयारीमा छ । यस ज्ञापन पत्रमार्फत निर्माण कार्यमा भएका ढिलाइका कारण र समाधानका लागि तत्काल पहल गर्नुपर्ने माग गरिनेछ । हुलाकी राजमार्ग कार्यालय नेपालगन्जका आयोजना प्रमुख लीला बहादुर भण्डारीले भने, “धेरै पटक ठेक्का आह्वान गरे तापनि आर्थिक अभावका कारण ठेक्का लाग्न सकेको छैन।“ उनले यस सडकको प्रारम्भिक वातावरणीय परीक्षण सकिएको जानकारी दिँदै, “यदि बहु वर्षीय स्रोत सुनिश्चितता भएमा दुई वर्षमा काम सकिन्छ“ भने । समिति चेतावनी दिएको छ कि यदि चाँडै मागहरू सम्बोधन नभएमा थप सङ्घर्षका कार्यक्रमहरू अघि बढाइनेछ ।

कालाकाटे–गढवा हुँदै सिक्टरसम्मको सडकलाई वैकल्पिक राजमार्गको रूपमा निर्माण गर्ने उद्देश्य राखिएको भए पनि वर्षौँसम्म काम अलपत्र हुँदा स्थानीयवासीले दैनिक सास्ती भोग्नुपरेको बताएका छन् ।२०७९ सालदेखि कालाकाटे गढवा अन्तरगत सडकको टेण्डर भए सम्झौता भएको ५ वर्षमा ९ किलोमिटर मात्र कालोपत्रे भएको भन्दै स्थानीयले आक्रोश पोखेका छन् ।

स्थानीय तथा नागरिक समाज गढवाका संयोजक खगेश्वत शर्मा भन्छन पहुँच र राजनीतिक वाडमा ठेक्का हात पार्ने वर्षौँ भुलाउने वर्षा हिलो हिउँदमा धुलो मात्र छ । पटक पटक सम्बन्धी निकाय धायौ तर सुनुवाइ नै हुँदैन । उनले हुलाकी राजमार्ग अन्तर्गत कालाकाटे–सिक्टा सडक खण्डमा लामो समयदेखि निर्माण कार्यमा भइरहेको ढिलासुस्तीप्रति आपत्ति जनाए।सङ्घर्ष समितिका संयोजक वलीले भने, “सडक निर्माण कार्य समयमै सम्पन्न नहुँदा स्थानीयवासीले सास्ती भोगिरहेका छन् । वर्षा याममा झन् समस्याहरू चुलिन्छन्, त्यसैले हामी अब चुप बस्दैनौँ ।” सो सडक अन्तरगत राजपुरको गंगदीदेखि दाङको अन्तिम गाउँ हाडबास सम्म २० किलोमिटर सडकको प्रारम्भिक वातावरणीय परीक्षणको काम सबै सकिएको छ ।