खोज

बुटवल, २४ जेठ । बुटवलमा सम्पन्न ‘देवीनगर क्रिकेट प्रिमियर लिग २०८२’ को उपाधि मेघा राईनोजले चुमेको छ । शनिबार भएको खेलमा राईनोजले जेके वरियर्सलाई २५ रनले पराजित गर्दै उपाधि चुमेको हो । उपाधिसंगै राईनोज नगद ५० हजार रुपैया, कप, मेडल, प्रमाणपत्रबाट पुरस्कृत भयो । उपविजेता जेआर भने नगद ३० हजार, कप, मेडल, प्रमाणपत्रमा चित्त बुझाएको छ ।

लायन्स क्लब अफ बुटवल इलाईटको सहयोगमा देवीनगर क्रिकेट क्लबको आयोजनामा देविनगरस्थित मैदानमा भएको खेलमा जेकेले टस जितेर मेघा राईनोजलाई ब्याटिङको निम्तो दिएपछि निर्धारित १५ ओभरमा ५ बिकेटको नोक्सानीमा ९७ रनको योगफल तयार गरेको थियो । राईजनोजका निर्मल ज्ञवालीले ३० तथा अंगत बश्यालले २५ रन जोडे ।
जेकेका निरज बिष्टले २ तथा जनक न्यौपाने र कमल रायमाझीले समान १–१ बिकेट लिए । ९८ रनको मध्यम लक्ष्य पछ्याएको जेके ७२ रनमा समेटियो । जेकेका कमल रायमाझीले १८ तथा अरुण गौतमले २२ रनबाहेक अन्य ब्याट्सम्यान दोहोरो अंकको रन बनाउन सकेनन । कम स्कोरमा रोक्न राईनोजका सुवास ज्ञबालीले ३ तथा सन्जय बराल, संगम अधिकारी र बालकृष्णले समान २–२ विकेट लिए ।

मेघाका सुवास ज्ञवाली म्यान अफ दी म्याच, टुर्नामेन्टको एमभिपी मेगा राईनोजका अङ्गत बस्यालले हात पारे । मेघाकै जनक न्यौपाने उत्कृष्ट बलर, प्रिन्ट हबका किगका जगत क्षेत्री उत्कृष्ट ब्याट्सम्यान तथा रोयल सिद्धार्थका महेश श्रेष्ठ उत्कृष्ट क्याच अफ दी टुर्नामेन्टबाट पुरस्कृत भए ।

एक कार्यक्रमका बिच सुशिल ज्ञवाली एण्ड एशोसियटका सिए सुशिल ज्ञवाली, लायन्स क्लब अफ बुटवल इलिटका अध्यक्ष अरुण ज्ञवाली, क्लबका अध्यक्ष तारा पाण्डेले विजेता, उपविजेता तथा उत्कृष्ट खेलाडीहरुलाई पुरस्कार वितरण गरेका छन । विभिन्न संघसंस्थाहरुको सहयोगमा अक्सन प्रणालीमार्फत संचालन भएको क्रिकेट लिग प्रतियोगिता आयोजना गरेको क्लबका सचिव निर्मल ज्ञवालीले बताए । एक महिनासम्म सञ्चालन भएको प्रतियोगितामा जेके वारियर्स, रोयल सिद्धार्थ, मेगा राइनोज, र प्रिन्ट हब किङ्स चार टिम रहेको खेल संयोजक अनिल पाण्डेले बताए ।