© २०२३
६ मंसिर २०८१, बिहीबार
६ मंसिर २०८१, बिहीबार
कपिलवस्तु, ७ मंसिर ।
कपिलवस्तु प्रहरीले लागु औषध ब्राउन सुगर र पेस्तोल सहित दुई व्यक्तिलाई नियन्त्रणमा लिएको छ । बिशेष सुचनाका आधारमा जिल्ला प्रहरी कार्यालय कपिलवस्तु र ईलाका प्रहरी कार्यालय पकडीको टोलीले मायादेवी गाउँपालिका वडा नम्बर ६ रजवापुर बाट दुई जनालाई नियन्त्रणमा लिएको हो ।
प्रहरीको टोलीले सोही स्थानका लाला भन्ने जुल्फेकार अहमद मुसलमानको घरमा लुकाएको अवस्थामा ६ राउण्ड गोली लोड गरेको मेडईन अमेरिका लेखिएको १ थान पेस्तोल र ७५ ग्राम १५५ मिलिग्राम लागु औषध ब्राउन सुगर समेत बरामद गरेको जिल्ला प्रहरी कार्यालय कपिलवस्तुका प्रवक्ता प्रहरी नायब उपरीक्षक मिन बहादुर घलेले जानकारी दिए । सो सँगै ब्राउन सुगर बिक्री गरेको १ लाख ५३ हजार ७ सय नेपाली रुपैयाँ, ४ हजार १ सय भारतीय रुपैयाँसगै सिङ्गापुर, कुवेत, घाना, कतार र फिलिपिन्सको मुद्रा, स्विच अफ गरी राखेका १५ थान मोबाईल र ब्राउन सुगर तौल गर्ने ४ थान डिजिटल मेसिन समेत बरामद गरेको उनले बताए । लागु औषध बिक्रीमा संलग्न जुल्फेकार अहमद सगै उनका भाई नदिम अहमद मुसलमानलाई नियन्त्रणमा लिई अनुसन्धान कार्य अगाडी बढाएको नायब उपरीक्षक घलेले जनाए ।
© २०२३
सर्वाधिकार सुरक्षित
Design & Developed By:
