खोज

सुर्खेत,१८ जेठ ।

मदन भण्डारी सपोर्ट एकेडेमीको आयोजनामा मदन भण्डारी खुल्ला दौड प्रतियोगिता हुने भएको छ । एकेडेमीले वीरेन्द्रनगरमा पत्रकार सम्मेलन गरी आगामी जेठ २४ गते १० र ५ किलोमिटर खुला दौड प्रतियोगिता गर्न लागेको जनाएको छ । सुर्खेतको वीरेन्द्रनगरमा आयोजना हुन लागेको उक्त प्रतियोगिताको १० किलोमिटर र पाँच किलोमिटरको दौड प्रतियोगिता गर्न लागेको एकेडेमीले जनाएको छ ।

१० किलोमिटर दौडतर्फ प्रथम पुरस्कार ५० हजार प्रदान गरिने आयोजकले जनाएको छ । प्रतियोगितामा दोस्रोलाई ३० हजार, तृतीय पुरस्कार २० हजार र चौथो पुरस्कार १५ हजार प्रदान गरिने आयोजकले जनाएको छ ।

यस्तै ५ किलोमिटर खुल्ला विद्यालय स्तरीय छात्र ÷छात्र अन्तर्गत प्रथम हुनेलाई २० हजार, दोस्रोलाई १५ हजार, तृतीयलाई १० हजार, चौथालाई पाँच हजार र पाँचौँलाई तीन हजार प्रदान गरिने भएको छ । यस्तै प्रतियोगितामा सहभागी दशौँ स्थान हासिल गर्ने खेलाडीलाई प्रोत्साहन स्वरूप एक हजार प्रदान गरिने आयोजकले जनाएको छ ।

प्रतियोगिता जेठ २४ गते बिहान सात बजेदेखि सञ्चालन गरिने आयोजकले जनाएको छ । सबैका लागि खेल भन्ने नारासहित मदन भण्डारी सपोर्ट एकेडेमीले स्थापना कालदेखि स्थानीय, प्रदेश राष्ट्रिय तथा अन्तर्राष्ट्रिय स्तरका विद्यालयदेखि विश्वविद्यालयसम्म विभिन्न विधामा प्रतियोगिता, तालिम प्रशिक्षणसँगै खेलकुद क्षेत्रको विकासका लागि निरन्तर रूपमा खेलकुदका गतिविधिहरू गर्दै आएको एकेडेमीका कार्यक्रम संयोजक तेजविक्रम बस्नेतले बताए । कर्णालीमा आयोजना हुन लागेको दसौँ राष्ट्रिय खेलकुद प्रतियोगिताको तयारीकै रूपमा दौड प्रतियोगिता आयोजना हुन लागेको बस्नेतले बताए ।