© २०२३
६ मंसिर २०८१, बिहीबार
६ मंसिर २०८१, बिहीबार
बर्दघाट, ७ मँसिर ।
पश्चिम नवलपरासीको बर्दघाटमा धारिलो हतियार प्रयोग गरी एक पुरुषको हत्या भएको छ । बर्दघाट नगरपालिका वडा नम्बर ४ हाटबजार नजिकैको घरमा अपरिचित ब्यक्तिले धारिलो हतियार प्रयोग गरी ४६ वर्षीय पुरुषको हत्या गरेका हुन । उक्त घटनामा अन्दाजी ४७ वर्षीया महिला पनि सख्त घाइते भएको जिल्ला प्रहरी कार्यालय नवलपरासीले जनाएको छ ।
जिल्ला प्रहरी कार्यालय नवलपरासीका सुचना अधिकारी प्रहरी नायव उपरीक्षक भोजराज पाण्डेका अनुसार घाइते महिलालाई तत्काल चिसापानी अस्पताल पुर्याइए पनि त्यहाँ उपचार हुन नसकेपछि थप उपचारका लागि भैरहवा मेडिकल कलेज पठाइएको र मृतकको शव पोष्टमार्टमका लागि पठाइएको छ ।
राती करिव ८ बजेतिर भएको घटनामा सँलग्नको खोजी कार्य भइरहेको र घटनाको अनुसन्धान भइरहेको नायव उपरीक्षक पाण्डेले जानकारी दिए । घटनाको सुक्ष्म अनुसन्धानको लागि तालिम प्राप्त कुकुर र विद्युतीय सँयन्त्रको प्रयोग गरिएको पाण्डेले जानकारी दिए ।
घटनास्थलबाट हत्यामा प्रयोग भएको खुकुरी र पर्स फेला परेको छ । पर्समा मृतकको नागरिकता भेटिएको र नागरिकतामा नाम दिलिप कुमार पुन र ठेगाना बाग्लुड जलजला उल्लेख गरिएको छ ।
© २०२३
सर्वाधिकार सुरक्षित
Design & Developed By:
