खोज

बाँके, ११ जेठ ।

नेपालगन्ज खजुरा रोडमा पर्ने पेडारी नालामा पुल बन्ने भएपछि स्थानीय खुसी देखिएका छन् । बर्षौंदेखि जीर्ण रहेको उक्त पुलको ठेक्का भएको सुने पछि खुसी लागेको बढैया ताल गाउँपालिका वडा नम्बर ७ का बासिन्दा हरि चौधरीले बताए । उनले भने, बर्खा याममा खजुरा रोड भएर नेपालगन्ज ओहोर दोहोर गर्न निकै गाह्रो भएको हुन्छ । धेरै बर्सात भएपछि बाढी आउने र बाटो बन्द हुने समस्याले यो रोडमा यात्रा गर्ने मानिसहरूलाई धेरै पटक घर पनि फर्किनु पर्ने बाध्य रहेको बताए ।

पुल बनेको धेरै वर्ष भएको थियो यस पुलमा यात्रा गर्दा कहिले भासिन्छ कि भन्ने डरैडरले यात्रा गर्न बाध्य रहेको खजुरा गाउँपालिका वडा नम्बर ७ कि मुनब्बर खाँले बताइन । हामी दैनिक जसो यो बाटो ओहोरदोहोर गरिरहेका हुन्छौँ ठुलो गाडी आएको बेला पुल सँगै गाडी पनि भासिन्छ कि डर धेरै हुन्छ । तर अब पुल निर्माणको ठेक्का प्रक्रियामा गइसकेको छ निर्माण कम्पनीले सम्झौता भए अनुसार निर्माण गरिदिए अझै खुसी थपिने बताइन

पेडारी नालाको कारणले दैनिक सयौँ मानिसहरू ज्यान जोखिममा राखेर यात्रा गरिरहेको खजुरा गाउँपालिकामा रहेको खजुरा बजारमा व्यवसाय गर्दै आएका व्यापारी रामनाथ उपाध्यायले बताए । बर्खाको समयमा नेपालगन्ज जानै गाह्रो हुन्छ । यो पुल खजुरा बजारमा व्यवसाय गर्नु भन्दा पहिला देखि नै जीर्ण रहेको छ । सरकारले के कारणले हो पुन निर्माण गर्न सकेको थिएन तर यो वर्ष पुल निर्माणको बजेट पनि विनियोजित भयो र ठेक्का लागेर निर्माण सुरु हुने भयो अब एक वर्ष भित्र जोखिम यात्रा अन्त्य हुने व्यवसायी उपाध्यायले बताए ।

यो पुलको विषयलाई लिएर धेरै पार्टीका मानिसहरूले राजनीति पनि गरेका थिए । केही नभए पनि पुलकै विषयलाई लिएर चुनावी एजेन्डा पनि बनाउँथे र यसको निर्माण गर्ने घोषणा पनि गर्ने गरेका थिए । उनले भने, निर्माण गर्ने ठेक्का नेपालगंजमा रहेको नरायणम निर्माण सेवालाई लाई दिइने प्रक्रिया अगाडि बढाइएको छ । २०८२ जेठ ७ गते ठेक्का प्रक्रिया अगाडि बढाइएको हो ।

हुलाकी राजमार्ग निर्देशनालय बबरमल काठमाण्डौँबाट जारी भैसकेको कुल जम्मा रकम भ्याट र पिएस् सहित ८ करोड ९६ लाखको बजेटमा उक्र प्रक्रिया अगाडि बढाएको हुलाकी राजमार्ग निर्देशनालयको कार्यालय नेपालगन्जका प्रमुख लीला बहादुर भण्डारीले बताए । पेडारी नालाको पुल निर्माण गर्ने सुरु गर्ने गरी निर्माण कम्पनीले १५ दिन भित्र काम अगाडी बढाउने भएको छ । पुललाई निर्माण गर्ने सम्झौता भएको एक वर्ष भित्र सम्पन्न हुने गरी सम्झौता भएको कार्यालय प्रमुख भण्डारीले बताए ।