Butwal Today

बिद्यालय जाँदैगर्दा भिरबाट खसेर १४ बर्षिया छात्राको मृ<त्यु

बुटवल टुडे
२१ आश्विन २०८३, बुधबार
अ
अ+
अ-

सल्यान। सल्यानमा विद्यालय जाँदै गरेकी १४ वर्षीया छात्रा भिरबाट खस्दा मृत्यु भएको छ । जिल्लाको छत्रेश्वरी गाउँपालिका वडा नं २ मा विद्यालय जाने क्रममा भिरबाट लडेर १४ वर्षीया छात्राको मृत्यु भएको हो ।

छत्रेश्वरी गाउँपालिका, २ दहगाउँका जीवराज वलीकी छोरी प्रमिला वलीको भिरबाट लडेर मृत्यु भएको हो । जनता माध्यमिक विद्यालय गुराँसेमा कक्षा १० मा अध्ययनरत वली मंगलबार बिहान करिब ८ बजे विद्यालय जाने क्रममा दमदुरी जंगलमा भिरबाट लडेर करिब २५० मिटर तल खसेकी थिइन् ।

स्थानीयले अचेत अवस्थामा फेला पारेपछि उनका दाइ प्रकाश वलीलाई खबर गरेका थिए । उद्धार गरी उपचारका लागि स्थानीय मेडिकलतर्फ लैजाने क्रममा बाटोमै उनको मृत्यु भएको जिल्ला प्रहरी कार्यालय सल्यानका प्रहरी निरीक्षक ईश्वर रोकायले जानकारी दिए ।

घटनालगत्तै उपचारका लागि लैजान एम्बुलेन्सको समेत व्यवस्था गरिएको भए पनि उद्धार गरी केही पर लैजाँदै गर्दा बाटोमै मृत्यु भएको पुष्टि भएको प्रहरी निरीक्षक रोकायले बताए ।

घटनाबारे वडा नम्बर २ का वडाध्यक्ष प्रेमबहादुर नेपालीले प्रहरीलाई जानकारी गराएपछि इलाका प्रहरी कार्यालय दमाचौर, इलाका प्रहरी कार्यालय थारमारे र जिल्ला प्रहरी कार्यालय सल्यानबाट प्रहरी टोली घटनास्थलतर्फ खटिएको थियो । छात्राको मृत्युको शोकमा जनता माध्यमिक विद्यालय बुराँसे टाकुरीले मंगलबार नै बिद्यालयमा बिदा दिएको थियो ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

चन्द्रकोटमा दुर्गम बस्ती लक्षित निःशुल्क स्वास्थ्य शिविर, घरदैलोमै स्वास्थ्य सेवा

प्रधानमन्त्री राहत कोषमा मौज्दात १७ अर्ब नाघ्यो

दुई वर्षमा टरिगाउँमा १४ सय मिटर धावनमार्ग बन्छः मन्त्री पौडेल

स्क्रब टाइफस : १० हजारभन्दा बढी संक्रमित, ७ जनाको मृत्यु, लुम्बिनी प्रदेशमा सबैभन्दा धेरै

वधअघि पशुलाई १२ घण्टा अनिवार्य विश्राम

बालेनको ‘रेकी’ गरेर सूचना चुहाएको आरोपमा एआईजी निलम्बित,सापकोटा र दाहालको कनेक्सन

अर्थ मन्त्रालयको निमित्त सचिवमा पौडेल, गुल्मी अस्पतालको मेसुको राजीनामा स्वीकृत

प्रधान सेनापति सिग्देलद्वारा बेलायतमा भेटवार्ता