© 2026
१७ भाद्र २०८३, बुधबार
१७ भाद्र २०८३, बुधबार
सल्यान । सल्यानको बनगाड कुपिण्डे नगरपालिकामा घरको छतबाट खसेर एक महिलाको मृत्यु भएको छ ।
मृत्यु हुनेमा बनगाड कुपिण्डे नगरपालिका, १ निवासी ३६ वर्षीया ललिता सुनार रहेकी छन् । मंगलबार साँझ करिब ७ः१५ बजे आफ्नै नयाँ बन्दै गरेको तीन तले घरको छतमा पानी हाल्ने क्रममा खुट्टा चिप्लिएर उनी भुईँमा खसेकी थिइन् ।
छतबाट खसेर गम्भीर घाइते भएकी सुनारलाई उपचारका लागि नेपालगन्ज स्थित न्युरो अस्पताल लगिएको थियो । उपचारकै क्रममा राति करिब ११ः३० बजे उनको मृत्यु भएको जिल्ला प्रहरी कार्यालय सल्यानले जनाएको छ ।
मृतकको शव पोस्टमार्टमका लागि जिल्ला अस्पताल सल्यानतर्फ ल्याइएको प्रहरीले जनाएको छ । घटनाबारे थप अनुसन्धान भइरहेको प्रहरीले जनाएको छ ।
© 2026
All rights reserved.
Design & Developed By:
