© 2026
१० भाद्र २०८३, बुधबार
१० भाद्र २०८३, बुधबार
काठमान्डौँ ।
प्रधानमन्त्री बालेन शाहलाई सामाजिक सञ्जालमार्फत ज्यान मार्ने धम्की दिएको आरोपमा एक युवक पक्राउ परेका छन् ।
पक्राउ पर्नेमा झापाको भद्रपुर–९ घर भई हाल कीर्तिपुर बस्दै आएका २३ वर्षीय पुस्कर दहाल रहेका छन् । उनलाई काठमाडौं उपत्यका अपराध अनुसन्धान कार्यालयको टोलीले कीर्तिपुर नयाँ बजारबाट पक्राउ गरेको हो ।
पक्राउ परेका दहाललाई थप अनुसन्धान तथा आवश्यक कारबाहीका लागि साइबर ब्यूरो, भोटाहिटी पठाइएको प्रहरीले जनाएको छ ।
प्रहरीका अनुसार दहालले इन्स्टाग्राममा स्टाटस लेख्दै प्रधानमन्त्री शाहलाई ‘२३ भदौमा सिध्याइदिने’ धम्की दिएका थिए । उक्त स्टाटसमा उनले प्रहरीलाई समेत ट्याग गर्नुका साथै प्रहरीप्रति अपशब्द प्रयोग गरेका थिए ।
प्रहरी स्रोतका अनुसार दहाल कुलमान घिसिङ नेतृत्वको उज्यालो नेपाल पार्टीमा आबद्ध छन् ।
© 2026
All rights reserved.
Design & Developed By:
