Butwal Today

रोल्पामा बाटोमा हिँडिरहेका बेला पहिरोमा परि एक जनाको मृ’त्यु

२ श्रावण २०८३, शनिबार
अ
अ+
अ-

रोल्पा । रोल्पामा बाटोमा हिँडिरहेका बेला माथिबाट खसेको पहिरोमा पुरिँदा एक जनाको मृत्यु भएको छ। मृत्यु हुनेमा परिवर्तन गाउँपालिका–४ पाछावाङस्थित सल्लाबोट निवासी ५७ वर्षीय देउप्रसाद घर्ती रहेका छन्।

रोल्पा प्रहरीका सूचना अधिकारी राजेन्द्रबहादुर चन्दका अनुसार शुक्रबार राति परेको अविरल वर्षापछि खसेको पहिरोमा पुरिएका घर्तीलाई शनिबार बिहान मृत अवस्थामा फेला पारिएको हो। पहिरोले पुरिँदा उनको घटनास्थलमै मृत्यु भएको प्रहरीले जनाएको छ।

घटनाको सूचना शनिबार बिहान करिब ५:३० बजे इलाका प्रहरी कार्यालय पाछावाङमा प्राप्त भएपछि प्रहरी नायब निरीक्षक नरसिंह खत्रीको नेतृत्वमा चार सदस्यीय प्रहरी टोली घटनास्थल पुगेको थियो।

प्रहरीका अनुसार शुक्रबार रातिदेखिको निरन्तर वर्षाका कारण पहिरो खसेको हो। घटनाबारे थप अनुसन्धान भइरहेको प्रहरीले जनाएको छ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

एक वर्षमै ५८ अर्बभन्दा बढी वैदेशिक लगानी प्रतिबद्धता, कृषि र पर्यटन पहिलो रोजाइ

सार्वजनिक खरिद ऐन संशोधनले निर्माण व्यवसायी उत्साहित

साउनभित्र सञ्चालनमा आउने नागढुंगा सुरुङमार्ग

बंगलादेशमा शेख हसिनाविरुद्ध मृत्युदण्डको फैसला,अर्बौँको सम्पत्ति जफत

श्रीलंकामा प्रचण्ड–जेभीपी महासचिव शिल्भाबीच भेट,कम्युनिस्ट आन्दोलनबारे छलफल

मनसुनको असर बढ्दो तीन महिनामा १६४ जनाको मृत्यु

ट्रक चालकको लापरबाहले रौतहटमा दुई यात्रुवाहक बस ठोक्किँदा ८ जना घाइते

“कमैयाहरूको मुक्ति नै मेरो मुक्ति हो”:इन्द्रजीत थारु