© 2026
३० असार २०८३, मंगलवार
३० असार २०८३, मंगलवार
काठमाडौं । प्रहरीले रुपन्देही तिलोत्तमाका शशी शर्मा पौडेललाई पक्राउ गरेको छ । प्रहरीको केन्द्रीय अनुसन्धान ब्युरो (सीआईबी)को टोलीले शर्मालाई मंगलबार पक्राउ गरेको हो ।
एमाले उपाध्यक्ष तथा पूर्वअर्थमन्त्री विष्णु पौडेलसित कारोबार देखिएपछि उनी पक्राउ परेको सीआईबी स्रोतले जानकारी दियाे । उनले रुपन्देहीको तिलोत्तमा १४ टिकुलिगढस्थित लुम्बिनी एग्रो प्रोडक्टस् एण्ड रिसर्च सेन्टर प्रा.लि. सञ्चालन गर्दै आएका थिए।
सम्पत्ति शुद्धीकरण अनुसन्धान विभागको पत्रपछि शर्मालाई पक्राउ गरिएको हो । पूर्वअर्थमन्त्री पौडलमाथि विभागले अनुसन्धान जारी राखेको छ ।
पौडेल असार ८ गते सुर्खेतबाट पक्राउ परेका थिए । पौडेललाई थुनामा राखेर अनुसन्धान गर्न अदालतले सोमबार पाँचौँपटक तीन दिनको म्याद थप गरेको थियो ।
© 2026
All rights reserved.
Design & Developed By:
