© 2026
१० चैत्र २०८२, मंगलवार
१० चैत्र २०८२, मंगलवार
लमही । दाङको देउखुरीमा एक पुरुषको कुलामा डुबेर मृत्यु भएको छ । मृत्यु हुनेमा राप्ती गाउँपालिका-३ दक्षिण मसुरिया निवासी ५० वर्षीय राजु चौधरी रहेको जिल्ला प्रहरी कार्यालय दाङले जानकारी दिएको छ ।
गए राति घरमा कसैलाई नभनी निस्केका चौधरी करिब २/३ सय मिटरको दुरीमा रहेको माैरीघाट कुलोमा डुबेर मृत्यु भएको प्रहरीले बताएको छ ।
स्थानीयले बिहान ६ बजे प्रहरीलाई खबर गरेपछि प्रहरी घटना स्थलमा पुगेको थियो । मृतक चौधरी नियमित मादक पदार्थ सेवन गर्दै आइरहेका थिए ।
सो दिन पनि मदिरा सेवन गरेका कारण कुलामा खसेर मृत्यु भएको हुन सक्ने प्रहरीले बताएको छ ।मृतक चौधरीको शवलाई पोस्ट मार्टमका लागि लमही अस्पतालको शव गृहमा राखिएको छ भने घटना बारे अनुसन्धान भइरहेको प्रहरीले बताएको छ ।
© 2026
All rights reserved.
Design & Developed By:
