© 2026
८ चैत्र २०८२, आइतबार
८ चैत्र २०८२, आइतबार
झापा ।
झापा जिल्ला बुद्धशान्ति गाउँपालिका–४ टिमाइमा आज चितुवाको आक्रमणबाट एक सशस्त्र प्रहरीसहित चार जना घाइते भएका छन्। स्थानीय कमल खड्काको मकैबारीमा घाइते अवस्थामा रहेको चितुवालाई प्रहरी, वन कर्मचारी र स्थानीयले नियन्त्रणमा लिन खोज्दा अचानक विच्किएर आक्रमण गरेको जिल्ला प्रहरी कार्यालयका प्रवक्ता खगेन्द्रबहादुर खड्काले जानकारी दिए।
घाइते हुनेमा सशस्त्र प्रहरी सुरक्षा बेस टिमाइका सहायक प्रहरी नायब निरीक्षक केदार श्रेष्ठ, बुद्धशान्ति–६ का ५० वर्षीय कृष्ण गजमेर, मेचीनगर नगरपालिका–१० का २६ वर्षीय विशाल कार्की र बुद्धशान्ति–६ का ५४ वर्षीय दुर्गाबहादुर कटुवाल रहेका छन्।
चारै जना घाइतेको बुद्धशान्तिस्थित भागिरथा न्यौपाने अस्पतालमा उपचार भइरहेको प्रहरीले जनाएको छ। स्थानीयवासीको कुटपिटबाट चितुवाको मृत्यु भएको छ।
© 2026
All rights reserved.
Design & Developed By:
