Butwal Today

तीन महिनापछि बल्यो सामागाउँमा बिजुली

बुटवल टुडे
५ फाल्गुन २०८२, मंगलवार
अ
अ+
अ-

गोरखा ।
तीन महिनापछि उत्तरी गोरखाको सामागाउँ र साम्दोका बासिन्दाले बिजुली बाल्न पाएका छन् । सामागाउँ लघुजलबिद्युत आयोजनाको उपकरण मर्मतपछि सञ्चालनमा आएको सो आयोजनाका अध्यक्ष वीरबहादुर लामाले जानकारी दिए।

हिमालपारीको सामागाउँ र साम्दोका बासिन्दाले ल्होसारमा बिजुली बत्ती बाल्न पाएपछि खुसी भएका छन् । मनास्लु क्षेत्रमा पर्ने चुमनुब्री गाउँपालिका–१ स्थित यी दुई गाउँमा हालसम्म मोटरबाटो पुगेको छैन । “धेरै सकस व्यहोरेर बल्लतल्ल आयोजना मर्मत गरियो”’, अध्यक्ष लामाले भन्नुभयो, “भारतबाट सामान झिकाएर मर्मत गर्दा समय पनि धेरै लाग्यो ।” मोटरबाटो नपुगेको सो गाउँमा हेलिकप्टरबाट उपकरण ढुवानी गरेर मर्मत गरिएको उनको भनाइ छ ।

सामागाउँका वडाअध्यक्ष कर्मा छेवाङले ल्होसारमा बत्ती बाल्न पाउँदा गाउँले रमाएको प्रतिक्रिया दिए । चुमनुब्री– १ सामागाउँ र साम्दोका करिब ३०० घरपरिवारका लागि कादुरी नामक संस्थाले पाँच वर्षअघि सामागाउँ जलबिद्युत आयोजनाबाट १०० किलोवाट क्षमताको बिद्युतउत्पादन गरेको थियो । रासस

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

कपिलवस्तुमा बम राख्ने नेकपा बहुमत कार्यकर्ता पक्राउ

नेपाल र भारतबीच फौजदारी कानुनी सहायतासम्बन्धी सम्झौतापत्रमा हस्ताक्षर

हवाई फायर गरी लागुऔषध कारोबारका आरोपी पक्राउ

रासस ६५औँ स्थापना दिवसः निर्वाचन आचारसंहिता प्रभावकारी कार्यान्वयनमा जोड

समृद्ध रुपन्देहीको खाकासहित विश्वदीपको घोषणापत्र सार्वजानिक

प्रतिनिधिसभा निर्वाचनका लागि ९० हजार मतपेटिकाको व्यवस्था

कक्षा १२ को परीक्षा वैशाख १४ देखि सुरु हुने (तालिकासहित)

राष्ट्रिय गौरवको आयोजना चाँडो सम्पन्न गर्न प्रधानमन्त्रीको निर्देशन