Butwal Today

दुर्गा प्रसाईंविरुद्ध प्रहरीले सार्वजनिक शान्ति विरुद्धको कसुरमा अनुसन्धान गर्ने

बुटवल टुडे
५ फाल्गुन २०८२, मंगलवार
अ
अ+
अ-

काठमाडौँ ।

मेडिकल व्यवसायी दुर्गा प्रसाईंविरुद्ध सार्वजनिक शान्ति भंग गरेको आरोपमा प्रहरीले अनुसन्धान गर्ने भएको छ । राष्ट्र, राष्ट्रियता, धर्म, संस्कृति र नागरिक बचाउ महाअभियानका संयोजक समेत रहेका प्रसाईंलाई सोमबार साँझ भक्तपुरबाट पक्राउ गरिएको हो ।

जिल्ला प्रहरी परिसर काठमाडौँका एसपी पवन भट्टराईका अनुसार प्रसाईंलाई सार्वजनिक शान्ति विरुद्धको कसुरमा जिल्ला प्रशासन कार्यालयबाट म्याद लिएर अनुसन्धान अघि बढाइनेछ । प्रसाईंले सरकारसँग भएको सम्झौता कार्यान्वयन नभए अनिश्चितकालीन बन्द गराउने र निर्वाचन हुन नदिने अभिव्यक्ति दिँदै आएका छन् ।

यसका साथै, उनी विरुद्ध झुटा अफवाह फैलाउन नहुने कसुरमा पनि अनुसन्धान गरिने एसपी भट्टराईले बताए ।

यसअघि माघ २३ गते पनि प्रसाईं पक्राउ परेका थिए । त्यसबेला हाजिर जमानीमा रिहा भएका उनलाई निर्वाचनसम्बन्धी अभिव्यक्तिका आधारमा प्रहरीको साइबर ब्युरोले बयान लिएर छाडेको थियो । माघ ५ गते पोखराबाट पक्राउ परेका प्रसाईं त्यसअघि पनि रिहा भएका थिए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

दाङको तुलसीपुरमा सिलिन्डर बम बिस्फोट

भैरहवामा शंकास्पद वस्तु फेला, नेपाली सेनाले गर्‍यो डिस्पोज

निर्वाचन १६ दिन बाँकीः बैंक तथा वित्तीय संस्थामा खाता खोल्ने उम्मेदवारको सङ्ख्या बढ्दै

रवि लामिछानेको सम्पत्ति शुद्धीकरण र संगठित अपराधको मुद्दा कास्कीमा पनि तत्काल फिर्ता नहुने

गगन थापाको डिजिटल नेपाल खाकाः पाँच वर्षभित्रै ४ खर्बको आईटी सेवा निर्यात, २ लाख रोजगारीको लक्ष्य

राजनीतिक दल वा निर्वाचन प्रतिनिधिले सवारीसाधनको प्रयोग गर्न निर्वाचन अधिकृतको अनुमति लिनुपर्ने

बैंक वा वित्तीय संस्थाबाहेक अन्य माध्यमबाट खर्च नगर्न नगराउन आयोगको निर्देशन

१३२ केभी प्रसारण लाइनको आजदेखि परीक्षण सुरु