Butwal Today

उम्मेदवार गाउँ गाउँमा, चुनावी प्रचार तीव्र

बुटवल टुडे
१ फाल्गुन २०८२, शुक्रबार
अ
अ+
अ-

भेरीगङ्गा (सुर्खेत) ।

फागुन २१ मा हुने प्रतिनिधिसभा निर्वाचन नजिकिँदै गर्दा गाउँ–सहरमा चुनावी प्रचार तीव्र बन्दै गएको छ । राजनीतिक दल र उम्मेदवारहरू मत माग्न गाउँ गाउँमा पुगेका छन् ।

गाउँ–गाउँमा राजनीतिक दल तिनका उम्मेदवार निर्वाचन प्रचारको लागि गाउँ गाउँ व्यस्त छन् । तर युवा मतदाता गाउँमा कम नै छन् । सुर्खेतको चौकुने गाउँपालिकाका–५ का लोकेन्द्र सिंहराज थापाले युवा अहिले गाउँमा कम नै नभएको बताए।

उनले भने, “यहाँका युवा खेतीपातीको याम र चाडपर्वको बेलामा गाउँमा आउँछन्, अन्य बेलामा रोजगारीका लागि भारततिर जाने गर्दछन् ।”

उनले गाउँमा निर्वाचनको रौनक बढे पनि महिला र बुढाबुढी मात्रै मतदाता रहेको भन्दै अब गाउँमै रोजगारीको वातावरण सिर्जना गर्नुपर्ने माग गरे ।

चौकुने गाउँपालिकाकै सीतादेवी नेपालीले पनि अहिले गाउँमा युवा मतदाता कम नै रहेको बताइन् । उनले राजनीति भन्दा जीविकोपार्जन कसरी गर्ने भन्ने अवस्थाले युवाहरू बिदेसिन बाध्य भएको बताइन् ।

सुर्खेत चौकुने गाउँपालिकाका उपाध्यक्ष नरबहादुर बास्तोलाले स्वरोजगार सम्बन्धीका कार्यक्रम सञ्चालन गरिए पनि युवाहरू गाउँमा नबस्ने गरेको बताए। सुर्खेत मात्रै होइन, कर्णालीका अधिकांश युवा रोजगारीका लागि भारतमा जाने गर्दछन् ।

पछिल्लो समय भने भारत बाहेकका मुलुकमा जानेसमेत थालेका छन् । रासस

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

पेस्तोलसहित एकजना नियन्त्रणमा

गहुँको समर्थन मूल्य तोक्ने प्रक्रिया सुरु

उद्यमशीलता विकासमा महिलामैत्री वातावरण निर्माण सरकारको प्राथमिकता : मन्त्री सिन्हा

फागुन २१ : देशको मार्गचित्र र जनताको भविष्य

बुटवलको आर्थिक सम्भावनाबारे निजी क्षेत्रको चासो पौडेलसँग नीतिगत सुधारको माग

स्थानीय तहका पदाधिकारीले आचारसंहिता उलङ्घन गरेको गुनासो पछि प्रशासनको ध्यानाकर्षण 

मर्यादित निर्वाचनकालागि आचारसंहिताको पूर्ण पालना अनिवार्यः आयुक्त तुलाधर

जसपाको घोषणापत्र सार्वजनिक