Butwal Today

सेनापति युवा आदानप्रदान कार्यक्रममा सहभागी

बुटवल टुडे
२९ माघ २०८२, बिहीबार
अ
अ+
अ-

काठमाडौँ ।
प्रधानसेनापति अशोकराज सिग्देलसँग नेपाली सेनाको वार्षिकोत्सवका अवसरमा राष्ट्रिय सेवा दलद्वारा आयोजना हुने युवा आदानप्रदान कार्यक्रममा सहभागी हुन आएका प्रतिनिधिमण्डलले भेट गरेका छन् । सो समारोहमा सहभागी हुन आउनुभएका भारतको राष्ट्रिय क्याडेड कोरका महानिर्देशक वीरेन्द्र भाट, पाकिस्तानको मानव स्रोतका महानिर्देशक महम्मद शाहिद अब्रो, भुटानको विद्यालय शिक्षा विभागका निर्देशक टासी नाम्गेल तथा माल्दिभ्सका यासिर मोहम्मदको नेतृत्वमा नेपाल भ्रमणमा आएका प्रतिनिधिमण्डलले आज जङ्गी अड्डामा शिष्टाचार भेट गरेको हो ।

भ्रमणको दौरान सो टोलीले राष्ट्रपति, प्रधानमन्त्री तथा रक्षामन्त्रीसँग भेटघाट गर्ने कार्यक्रम रहेको सैनिक जनसम्पर्क तथा सूचना निर्देशनालयले जनाएको छ ।
उक्त टोलीले आगामी फागुन ३ गते सैनिक मञ्च, टुँडिखेलमा आयोजना हुने सेना दिवसको विशेष कार्यक्रमको अवलोकन गर्नेछ । त्यसैगरी भ्रमण टोलीले विभिन्न ऐतिहासिक, धार्मिक तथा पर्यटकीय स्थलको समेत भ्रमण गर्ने कार्यक्रम रहेको सेनाले जनाएको छ ।

यस प्रकारको कार्यक्रमबाट विभिन्न राष्ट्रका छात्रछात्राबीच एक अर्को राष्ट्रका कला, भाषा र संस्कृतिलगायत अनुभव र ज्ञान साटासाट गर्ने अवसर प्राप्त हुने सेनाको विश्वास छ । रासस

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

फोहोर व्यवस्थापनका लागि उपयुक्त ठाउँको खोजीमा : पोखरा महानगर

जङ्गली हात्ती मृत फेला

स्कूल बस दुर्घटनामा २६ घाइते एक जनाको मृत्यु

संविधान कार्यान्वयनको उपलब्धि, समस्या र चुनौतीबारे लुम्बिनीमा छलफल

चक्कु प्रहार गरेर किशोरको हत्या

लुकुमलाई नमूना गाउँ बनाउने प्रचण्डको प्रतिबद्धता

जिपको ठक्करबाट विद्यार्थीको मृत्यु

फागुन २१ मा देशभर एकसाथ निर्वाचन हुन्छ : प्रधानमन्त्री कार्की