सामग्री खोज्नुहोस्

काठमाडौँ ।

 भारतको पश्चिम बङ्गालमा निपाह भाइरसको सङ्क्रमण पुष्टि भएपछि नेपाल सरकारले उच्च सतर्कता अपनाएको छ ।

स्वास्थ्य तथा जनसङ्ख्या मन्त्रालयले सम्पूर्ण हवाई तथा स्थल नाकाबाट भित्रिने यात्रुको निगरानी सुरु गरेको छ । मन्त्रालयका प्रवक्ता डा. प्रकाश बुढाथोकीका अनुसार हेल्थ डेस्कमार्फत सङ्क्रमणका लक्षण देखिएका यात्रुमाथि निगरानी भइरहेको छ ।

निपाह भाइरस चमेरो, सुँगुर वा सङ्क्रमित व्यक्तिबाट सर्ने भएकाले ती माध्यमलाई विशेष ध्यानमा राखेर रोकथामका उपाय अपनाइएको छ ।

मन्त्रालयले सङ्क्रमण फैलिएको क्षेत्रबाट आउने व्यक्तिलाई केही समय क्वारेन्टिनमा बस्न र उनीहरूसँग प्रत्यक्ष सम्पर्कमा नजान अपील गरेको छ ।

निपाह भाइरस घातक जुनोटिक रोग हो, जसको मृत्युदर ४० देखि ७५ प्रतिशतसम्म पुग्न सक्छ । यो मुख्यतः फलफूल खाने चमेरोबाट मानिसमा सर्छ ।

नेपालमा अहिलेसम्म निपाहको कुनै सङ्क्रमण पुष्टि भएको छैन । तर भारतको पश्चिम बङ्गालसँगको खुला सीमा र फलफूल खाने चमेरोको उपस्थितिले जोखिम बढाएको छ ।

इपिडेमियोलजी तथा रोग नियन्त्रण महाशाखाले देशभरका अस्पतालहरूलाई निपाहजस्ता लक्षण भएका बिरामी र अचानक मृत्युका घटना रिपोर्ट गर्न निर्देशन दिएको छ ।

सङ्क्रमण भएमा शुरूमा ज्वरो, टाउको दुख्ने, खोकी, श्वासप्रश्वासमा समस्या देखिन्छ । पछि मस्तिष्क सुन्निने समस्या देखिएर ज्यान जान सक्छ । ङ्क्रमण भएमा शुरूमा ज्वरो, टाउको दुख्ने, खोकी लाग्ने, श्वासप्रश्वासमा समस्या हुन्छ ।

पछि मस्तिष्क सुन्निने समस्याले ज्यान जान सक्छ । रोकथामका लागि काँचो खजुरको रस नपिउन, चमेरोले टोकेका फलफूल नखान, सङ्क्रमितसँग सम्पर्क भएमा तुरुन्तै स्वास्थ्य जाँच गराउन र हात धुने, मास्क लगाउनेजस्ता सामान्य सावधानी अपनाउन स्वास्थ्य मन्त्रालयले आग्रह गरेको छ ।