© २०२३
६ माघ २०८२, मंगलवार
६ माघ २०८२, मंगलवार
काठमाडौँ ।
नेपाल आयल निगमले पेट्रोल, डिजेल र मट्टीतेलको मूल्य घटाएको छ ।
आजदेखि लागू हुने गरी पेट्रोलमा प्रतिलिटर तीन रुपैयाँ र डिजेल तथा मट्टीतेलमा प्रतिलिटर एक रुपैयाँ मूल्य घटाइएको हो ।
अब पेट्रोलको मूल्य पहिलो वर्ग अन्तर्गत चारआली, विराटनगर, जनकपुर, अमलेखगन्ज, भलबारी, नेपालगञ्ज, धनगढी र वीरगञ्ज क्षेत्रमा प्रतिलिटर १ सय ५३ रुपैयाँ ५० पैसा कायम गरिएको छ ।
यस्तै, दोस्रो वर्ग अन्तर्गत सुर्खेत र दाङ क्षेत्रमा पेट्रोल प्रतिलिटर १ सय ५५ रुपैयाँ पर्नेछ भने तेस्रो वर्ग अन्तर्गत काठमाडौँ, पोखरा र दीपायलमा प्रतिलिटर १ सय ५६ रुपैयाँ तोकिएको छ ।
डिजेल र मट्टीतेलको मूल्य पहिलो वर्गका लागि प्रतिलिटर १ सय ३३ रुपैयाँ ५० पैसा, दोस्रो वर्गका लागि १ सय ३५ रुपैयाँ र तेस्रो वर्गका लागि १ सय ३६ रुपैयाँ निर्धारण गरिएको छ ।
© २०२३
सर्वाधिकार सुरक्षित
Design & Developed By:
