© 2026
२७ फाल्गुन २०८२, बुधबार
२७ फाल्गुन २०८२, बुधबार
काठमाडौं ।
निर्वाचन आयोगले आसन्न प्रतिनिधिसभा निर्वाचनका क्रममा सामाजिक सञ्जालको अनुगमन नेपाली सेनाको सहयोगमा गरिने जानकारी दिएको छ । आयोगका आयुक्त सगुन शमशेर जबराले राजनीतिक दलहरूसँग आचारसंहिताका विषयमा भएको छलफलका क्रममा सामाजिक सञ्जाल अनुगमनबारे जानकारी गराएका हुन् ।
उनले सामाजिक सञ्जाल अनुगमनका लागि वैदेशिक सहयोग प्राप्त भएको र नेपाली सेनाको उपकरणमार्फत निगरानी गरिने बताए ।
‘चुनावमा सामाजिक सञ्जाल अनुगमनका लागि आवश्यक सामग्री हामीलाई विदेशबाट सहयोग प्राप्त भएको छ,’ उनले भने, ‘नेपाली सेनाको टुल्समार्फत पनि अनुगमन गर्छौँ । नेपालमा सबैभन्दा बलियो टुल्स नेपाली सेनाकै छ ।’
त्यस्तै, आचारसंहिता उल्लङ्घन गर्ने उम्मेदवारलाई एकपटक स्पष्टीकरणको अवसर दिइने र स्पष्टीकरण चित्तबुझ्दो नभए कारबाही प्रक्रिया अघि बढाइने उनले जानकारी गराए ।
निर्वाचन आचारसंहिता उल्लङ्घन हुने सामग्री सामाजिक सञ्जालमा पोस्ट हुन नदिन फेसबुक (मेटा) र टिकटकसँग आयोगले सम्झौता गर्न लागेको जानकारी पनि उनले दिए ।
© 2026
All rights reserved.
Design & Developed By:
