खोज

बुटवल । बुटवलमा जारी सातौँ राष्ट्रपति रनिङ शिल्ड प्रतियोगिताकाे उपाधि कालिका मानवज्ञान माविले हात पारेकाे छ ।

बुटवल उपमहानगरपालिका नगर खेलकूद बिकास समितिको आयोजनामा शनिबारदेखि सुरु भएको साताैं राष्ट्रपति रनिङ शिल्ड प्रतियोगितामा १३ स्वर्ण पदकसहित कालिका मानवज्ञान माविले उपाधि हातपारेकाे हो ।

उपाधिसँगै कालिकाले नगद २५ हजार पुरस्कार,शील्ड,कप,मेडल र प्रमाणपत्र प्राप्त गरेको छ । प्रतियोगितामा १२ स्वर्णसहित न्यु होराईजन द्वितीय भएको छ भने ६ स्वर्णसहित गार्गी एकेडेमी तृतीय भएको छ ।

द्वितीय भएको न्यु होराइजनले नगद १५ हजार पुरस्कारसहित कप,मेडल र प्रमाणपत्र प्राप्त गरेको छ । तृतीय स्थान हाशील गरेको गार्गी एकेडेमीले १० हजार नगद पुरस्कार सहित कप,मेडल र प्रमाणपत्र प्राप्त गरेको छ ।

विजयी विद्यालय तथा खेलाडीहरूलाई साेमबार बेलुका बुटवल उपमहानगरपालिकाकि उपप्रमुख सावित्रा देवी अर्याल,प्रमुख प्रशासकीय अधिकृत मित्रमणी खनाल,नगर खेलकुद विकास समितिका अध्यक्ष बाेनिन पियालगायतले पुरस्कार,शिल्ड,कप,मेडल र प्रमाणपत्र बितरण गरे ।

कार्यक्रममा बुटवल उपमहानरका उपप्रमुख सावित्रादेवी अर्यालले प्रतियोगिताले विद्यार्थीको खेल प्रतिभा उजार गर्नुका साथै सामुहिक भावना र प्रतिस्पर्धात्मक क्षमताको बिकास गर्ने विश्वास व्यक्त गरिन । खेलकूदको माध्यमबाट विद्यार्थीको शारीरिक तथा मानसिक बिकासमा टेवा पुर्याउन प्रतियोगिताले सहयोग पुग्ने उनले बताइन ।

बुटवल-११, एन्फा टेक्निकल सेन्टरको खेल मैदानमा आयोजित प्रतियोगितामा बुटवल उपमहानगर भित्रका ४२ विद्यालयहरुबाट १ हजार ५८८ विद्यार्थीहरुले विभिन्न इभेन्टमा प्रतिस्पर्धा गरेकाे खेलकूद बिकास समितिका अध्यक्ष बाेनिन पियाले जानकारी दिए ।

एकल प्रतिस्पर्धा तर्फ कराँते र तेक्वान्दोमा प्रथम, द्वितीय र तृतीय हनेलाई जनही क्रमशः २ हजार १ हजार ५ सय र १ हजार रुपैयाँ नगद प्राप्त गरेका छन् ।

प्रतियोगितामा सहभागी विद्यार्थीका लागि खेल अवधिमा हुन सक्ने दुर्घटनालाई मध्यनजर गरी दुर्घटना बीमाको समेत व्यवस्था गरिएको नगर खेलकुद विकास समितिका सदस्य तथा खेल संयोजक शेरजङ्ग गुरूङले बताए ।