© 2026
१४ माघ २०८२, बुधबार
१४ माघ २०८२, बुधबार
दाङ, २३ पुस ।
राष्ट्रिय सभा सदस्य निर्वाचनका लागि लुम्बिनी प्रदेशमा नेपाली काङ्ग्रेस-नेकपा एमालेले गठबन्धन गरेका छन् ।
दुई पार्टीबाट तीन जनाको उम्मेदवारी परेको छ । नेपाली काँग्रेस र नेकपा एमालेको राष्ट्रिय सभा निर्वाचनमा सहकार्य गर्ने सहमति अनुसार काङ्ग्रेसबाट चन्द्रबहादुर केसी,बासुदेव घिमिरे ‘जङ्गली’ र एमालेबाट रामकुमारी झाँक्रीको उम्मेदवारी परेको हो ।
आगामी माघ ११ गते हुने राष्ट्रियसभा सदस्य निर्वाचनका लागि दाङको लमही नगरपालिका-२ निवासी घिमिरेले अपाङ्ग, केसी अन्य र झाँक्री महिला कोटामा उम्मेदवारी दर्ता गराएका हुन् ।
घिमिरेको प्रस्तावमा दाङको बबई गाउँपालिका अध्यक्ष कुलबहादुर खत्री क्षेत्री र समर्थकमा बङ्गला चुली गाउँपालिका उपाध्यक्ष भक्त जिसी रहेका छन् ।
गुल्मी रेसुङ्गा नगरपालिका-३ निवासी केसीको प्रस्तावकमा दङ्गी शरण गाउँपालिका अध्यक्ष शम्भु गिरी र समर्थकमा शान्तिनगर गाउँपालिका अध्यक्ष प्रमोद बस्नेत रहेका छन् ।
त्यसै गरी झाँक्रीको प्रस्तावकमा घोराही उपमहानगरपालिका प्रमुख नरुलाल चौधरी र समर्थकमा घोराहीकै उपप्रमुख हुमा कुमारी डिसी रहेका छन् ।
उम्मेदवारी दर्ताका लागि काङ्ग्रेस-एमालेका संयुक्त उम्मेदवारहरू र्यालीसहित निर्वाचन अधिकृतको कार्यालय पुगेका थिए ।
© 2026
All rights reserved.
Design & Developed By:
