© 2026
१४ माघ २०८२, बुधबार
१४ माघ २०८२, बुधबार
बुटवल ।
देशको सर्वोच्च सामुदायिक विद्यालय कालिका मानवज्ञान माविमा अर्धवार्षिक परीक्षाको नतिजा प्रकाशन सँगै फुड फेस्टिभल आयोजना गरिएको छ ।
बुटवल उपमहानलपारिका वडा नम्बर १० कालिका नगरमा रहेको सेक्टर १ र सोही वडाको सेक्टर २ रामनगरमा नतिजा प्रकाशन सँगै खाना महोत्सव आयोजना गरिएको हो । विद्यार्थीहरूले आफूले तयार गरेका मौलिक नेपाली खानाका परीकारहरु पकाएर अभिभावकहरूलाई खुवाएका थिए ।
विद्यालयमा आफ्ना सन्तानको नतिजा हेर्ने, सुन्न आएका अभिभावकहरूले आफ्नै सन्तानले पकाएका खानाका परीकारको स्वाद लिन पाउँदा मक्ख देखिएका थिए । विद्यार्थीहरूले सेल रोटी, चुकौनी, सहित ललिपप, लगायतका विभिन्न परीकारहरु बनाएका थिए ।
विद्यालयमा कक्षा ११ र १२ को होटल म्यानेजमेन्टमा अध्ययनरत विद्यार्थीहरूले खानाका परीकार बनाउनको लागि सहजीकरण गरेका थिए भने कक्षा ६ र ७ का विद्यार्थीको खानाका परीकार बनाउनको लागि पूर्णपुरमा सहभागी रहेका कार्यक्रम संयोजक विद्यालयका शिक्षक ईबराज तिवारीले जानकारी दिए ।
विद्यालयका प्रधानाध्यापक दिनेश थापाका अनुसार विद्यार्थीहरूले सिकेको सैद्धान्तिक ज्ञान लाई व्यवहारिक रूपमा रूपान्तरण गर्नको लागि खाना महोत्सव आयोजना गरिएको जानकारी दिए ।
© 2026
All rights reserved.
Design & Developed By:
