Butwal Today

शीतलहरका कारण दाउन्नेमा १५ घण्टादेखि यातायात अवरुद्ध

बुटवल टुडे
१५ पुष २०८२, मंगलवार
अ
अ+
अ-

बुटवल, १५ पुस ।
शीतलहरका कारण सडक चिप्लो भएपछि पूर्व–पश्चिम राजमार्गअन्तर्गत दाउन्ने खण्डमा सवारी साधनको आवागमन बन्द भएको छ ।

दाउन्ने खण्डको उकालो र ओरालोमा शीतलहरका कारण सडक भिज्दा सवारी साधन चिप्लिएर गुड्न नसकेपछि करिब १५ घण्टादेखि यातायात सञ्चालन हुन नसकेको इलाका प्रहरी कार्यालय दुम्कीबासका प्रहरी नायब निरीक्षक ज्ञानप्रसाद काफ्लेले जानकारी दिए ।

सडकमा सवारी साधन चल्न नसक्दा बर्दघाट र दुम्कीबासतर्फ गाडीको ठूलो लाम लागेको उनले बताए । शीतलहरको प्रभाव कम भएपछि सडक खुल्ने प्रहरीले जनाएको छ ।

निर्माणाधीन बुटवल–नारायणगढ सडकखण्ड अन्तर्गत अन्य स्थानमा यातायात सहज भए पनि दाउन्ने खण्डमा अझै काम बाँकी रहेको छ । काठमाडौंबाट बुटवल आउँदै गरेका यात्रु विनोद परियारले आफू १४ घण्टादेखि दाउन्नेमा जाममा फसेको बताए ।

सम्बन्धित खबर

सुदूरपश्चिममा ४८१ मतदान स्थल अति संवेदनशील

हिउँदे वर्षाले किसान खुसी 

रसुवाको उत्तरी भेगमा हिमपात

काङ्ग्रेसद्वारा विभिन्न समिति बनाउन पार्टीका सबै तहलाई निर्देशन

राष्ट्रियसभा: शून्य समयमा समसामयिक विषयमा सरकारको ध्यानाकर्षण

इन्डोनेसियामा पहिरोका कारण मृत्यु हुनेको सङ्ख्या ३४ पुग्यो, दर्जनौँ अझै बेपत्ता

चितवनमा तीन हजार निर्वाचन प्रहरी खटिने

चार सय बढीमा क्षयरोगको सङ्क्रमण