खोज

चन्द्रौटा(बुटवल टुडे), ७ पुस ।

लुम्बिनी प्रदेशका पूर्व मन्त्री अर्जुन कुमार केसीले गुणस्तरिय शिक्षाका लागि भौतिक संरचना महत्वपूर्ण अंग रहेको बताएका छन् । कपिलवस्तुमा सार्वजनिक शिक्षाको गुणस्तर सुधारमा स्थानीय सरकार तथा नागरिक समाजको भुमिका बहस–संवाद कार्यक्रमलाई सम्बोधन गर्दै उनले यस्तो बताएका हुन् ।

पछिल्लो समय कतिपय स्थानीय तहले लागु गरेको निःशुल्क शिक्षा प्रभावकारी रुपमा अघि बढेको बताउँदै गुणस्तरीयता नदेखिएको प्रति उनले चिन्ता व्यक्त गरे । सरकारले शिक्षामा बर्षेनि करोडौँ लागानी गरेपनि गुणस्तरमा कमजोर देखिएको केसीले तर्क गरे । स्थानीय सरकारले कर्मचारी तलब भट्टा मात्रै नभएर सर्बपक्षिय रुपमा लागानी गरी विकास हुनुपर्नेमा उनले जोडदिए ।

शिक्षालाई प्रभावकारी रुपमा अघि बढाउन स्थानीय सरकारको दायित्व रहेको जनाउँदै सार्वजनिक विद्यालयप्रति आम नागरिकको भरोसा बढाउन सरकार गम्भीर हुनुपर्ने केसीले बताए । निःशुल्क शिक्षालाई नारामा सीमित नगरी व्यवहारमा कार्यान्वयन गर्न स्थानीय सरकारलाई उनले आग्रह गरे ।

यस्तै आइतबार जिल्ला समन्वय समिति कपिलवस्तुका संयोजक बाबुराम आचार्यले निःशुल्क शिक्षा लागू हुनु सराहनीय कार्य रहेको बताए । तर अनिवायरुपमा जनप्रतिनिधि तथा सरकारी कर्मचारीहरुका बालबालिकाहरु सामुदायिक विद्यालयमा पढाउनु पर्ने आवश्यक नरहेको बताए । तर सामुदायिक विद्यालयको गुणस्तरीय शिक्षा प्रदान गर्नपर्नेमा उनको भनाइ छ ।

उनले भने ः “अनिवार्य निःशल्क शिक्षाको नाममा जनप्रतिनिधि र कर्मचारीका छोराछोरीहरुको अधिकारमा हस्तक्षेप गर्न आवश्यक छ्रैन् । क्षमता भएकाले चाहे निजी विद्यालय होस, चाहे सामुदायिक एकजना कर्मचारी वा जनप्रतिनिधि उसको अधिकार मार्न पाईदैन् ।”

महाराजगञ्ज नगरपालिकाका मेयर अब्दुल कलाम, बुद्धभुमि नगरपालिकाका मेयर केशब श्रेष्ठ, शिवराज नगरापालिकाकी उप–मेयर शिवकुमारी थारु लगायले गुणस्तरीय शिक्षालाई प्राथमिकतामा राख्नुपर्ने बताए । उनीहरुका अनुसार आफ्नो अधिकार खोज्दै गर्दा अरुको अधिकार अन्न नहुनेगरी कार्य गर्नुपर्नेमा जोडदिए । निजी विद्यालयमुखी सोच अन्त्य नगरेसम्म सार्वजनिक शिक्षा सबल नहुने उनीहरुले उल्लेख गर्दै शिक्षालाई दीर्घाकालिन रुपमा गुणस्तरियता प्रदान गर्न आवश्यक रहेको बताए ।

शिवराज नगरपालिका उप–सचिव तथा शिक्षा शाखा प्रमुुख पूर्ण बहादुर विश्वकर्मा, विजयनगर गाउँपालिकाका शिक्षा शाखा प्रमुख हरिहर प्रसाद बेल्वासे, महाराज नगरपालिकाका शिक्षा शाखा निम्त्त प्रमुख जगत बहादुर गाहा र बुद्धभुमि नगरपालिका शिक्षा शाखा प्रमुख कृष्ण भट्टराई लगायतले गुणस्तरीय शिक्षा प्रदान गर्न स्थानीय सरकार र नागरिक समाजको भूमिकाबारे धारणा व्यक्त गरे ।

सिद्धार्थ सामाजिक विकास केन्द्रका पूर्व अध्यक्ष पोम नारायाण पौडेल, शिक्षाका लागि राष्ट्रिय अभियान नेपालका केन्द्रिय सदस्य हरि अधिकारी र एनसिईका कपिलवस्तुका संयोजक बाबुराम रायमाझी लगायतले आम नागरिकहरुको बालबालिक गुणस्तरीय शिक्षा पाउनुपर्ने भन्दै सम्बोधन गरेका थिए ।