© २०२३
५ पुष २०८२, शनिबार
५ पुष २०८२, शनिबार
काठमाडौँ ।
मोरङ र बागलुङमा भएका सवारी दुर्घटनामा एक बालकसहित दुई जनाको मृत्यु भएको छ ।
मोरङको सुनवर्षी नगरपालिका–४ कासिजामस्थित सडकमा मे.११ प १४० नम्बरको मोटरसाइकलको ठक्करबाट साइकल यात्री, सोही नगरपालिका–४ बस्ने ६२ वर्षीय जयराम प्रसाद दासको मृत्यु भएको प्रहरीले जनाएको छ ।
बिहीबार राति बसको ठक्करबाट गम्भीर घाइते भएका उनको रंगेली अस्पताल, रंगेलीमा उपचारको क्रममा मृत्यु भएको हो । दुर्घटनामा घाइते मोटरसाइकल चालकको मकालु अस्पताल, विराटनगरमा उपचार भइरहेको प्रहरीले जनाएको छ ।
त्यसैगरी, बागलुङको बागलुङ नगरपालिका–४ कुंडुलेमा ध.१ च-१३३६ नम्बरको जिपको ठक्करबाट बालकको मृत्यु भएको छ । पैदल यात्री, काठेखोला गाउँपालिका–१ धैरेनी बस्ने ५ वर्षीय सूर्य ढुङ्गाना, बिहीबार साँझ मृत्यु भएका हुन् ।
जिपको ठक्करबाट गम्भीर घाइते भएका उनका पिता, शिवप्रसाद शर्माको धौलागिरि प्रादेशिक अस्पतालमा उपचारको क्रममा मृत्यु भएको प्रहरीले जनाएको छ ।
दुर्घटनापछि प्रहरीले जिप चालकलाई पक्राउ गरेको छ । दुवै दुर्घटनासँग सम्बन्धमा आवश्यक अनुसन्धान भइरहेको प्रहरीले जनाएको छ ।
© २०२३
सर्वाधिकार सुरक्षित
Design & Developed By:
